Якстере теште/1924/03/Ломаненти "вершки" а офтонти "корешки"
| ←Кодат вирть и вирь ало модат нолдазь крестьянстванень | Якстере теште, № 3, 11 февраля 1924 г. Ломаненти „вершки“ а офтонти „корешки“ by Яку ляляй |
Рау лангонь товзеро→ |
| Якстере теште. Еженедельный орган мордовской секции при Ц. К. Р. К. П. (б.). — № 3, 11 февраля 1924 г. — с. 4 |
[ 4 ]
| Ломаненти „вершки“ а офтонти „корешки“. |
Миникь велесэ войнадонть икеле ве грамотный ломань получась журнал „крестьянин“. Журналонть крышанзо ланксо ульнись рисовазь мужик сэнь понксцо и карьцо.
— Петра ляляй, таго теть десятникись сокиця ялга кандэ — пеетькшнысть Петра ланксо шабранзо.
Видись весть Петра чиньчарамот. Модась ульнесь жирный, кизось начколь. Чиньчарамотьне ульнесть парт, анцяк акенерилт. Превензэяк машсть Петрань.
Тусть тензэ од журнал и сон мусь тосто паро совет.
— Если — кортэ журналось — чиньчарамотьне пек дроцеть и акенерить, то эряве яжамс сынст алце лопаст и кадумс анцяк колмо-ниле вере лопат. Кода сонзэ ламо лопанзо, сон анцяк дроце.
Петра радувась и яжиньзе альне лопатьнень, а пайщикинзэ раксить лансунзо.
— Минь кортыникь теть, Петра, ламо иля ловно, ато азаргадат.
Петра кашт моле.
Ютась недля, ютась омбоце, Петрань чиньчарамонзо кармасть кенереме, а пайщикнень — пижеть.
Сестэ кармась уж Петра пеешкнеме пайщикинзэ ланксо.
— Тынк, цёрат, уманк ланксо рай!
Сась чинчарамонь урядама шкась. Петра получась десятинастонть ведькемень понт, а шабранзо покш корет получасть. И лисць роботась рузынь побасканть лаца: „мужику — вершки, а Мишке — корешки“.
— Ки тонь тонафтыньзить, Петра, те тевенти? — кевкснесть эйсонзэ шабранзо.
— Се ялгам, кона ланкса тынь пеетькшниде. Мон кисонзо пондынь 2 целковойть, а сон превть максць тенькавто сятт целковоень питьне. Тынь жалятадок кинигань кис целковой, а емафтадок сядо целковойть Тынь яла роботатадок ташто атятьне лацо, а сень аздасынк, что эрямось ве таркасо аяште, сон чие икелев, а тынь яла нувситядок и кадувиде пекь удалов. Ульнись шка, знярдо ломатьне воювасть мокшнасо (кулаксо), да дубинкасо, а ну-ка ней листя дубинкат марто пулеметонь карчо!
Значить нужанть карчонк эрявить од орудият, од превть. А не превтнень мусынек кинигасто и журналсто — истя отвечась Петра ломатьнининь.
Миньдяк Петра лялянь лацо весеменень мердянок: илядо жаля ярмакунк кинигань и газетань кис. Кона ловне и тонафне, се эрямочистонь пурна „вершки“, а кона а ловне и нувсе, сенень кодовить, офтынть лаца „корешки“.
Яку ляляй.