Эрзянь Мастор/2012/05/Явдано седейризкс
| ←Эрзянь тейтерь-авань лемть | Эрзянь Мастор, № 5 (373), 14 марта 2012 редактор Нуянь Видяз, Кшуманцянь Пиргуж Явдано седейризкс |
Прявтлопа→ |
| Статья на сайте газеты: № 373, 14.03.2012, Явдано седейризкс |
| Явдано седейризкс |
2012-це иень эйзюрковонь 9-це чистэ лоткась чавомо седеезэ Казаков Петр Ефимовичень, 2010-це иень А.П.Рябов лемсэ Казнень Лауреатонть, Мордовия Республикань культурань кис важодицянть. Тусь Тоначив эрзя.
Казаков П. Е. чачсь 1923-це иень медьковонь 14-це чистэ Мордовия Республикань Покш-Березник буень Симкина велесэ. 1941 иестэ ульнесь Сталинградонть кис тюремасонть, теде мейле — Карелэнь фронтсо. Войнадо мейле важодсь Мордовиянь комсомолонь Обкомсо, электролампань заводонь парткомсо. Кувать тевть ветясь Мордовия Республикань «Знание» вейсэндявкссонть. Прядызе Мордовиянь Огарев лемсэ университетэнь историянь факультетэнть. Пенсияс лисемадо мейле 12 иеть важодсь наукань ды техникань информациянь Центрасо.
2010 иестэ Сарансо Петр Ефимовичень лиссь книгазо — «Эрямонь киулот. Жизненные переулки». Эйсэнзэ «Саранонь эрзя» (рузокс ютавтовсь) драмась. 2011-це иестэ лиссь омбоце книгазо — «Ютазь пингестэ варштавкс». Петя лелянок-покштянок ульнесь «Эрзянь Масторонь» сеедьстэнь инжекс. Сонзэ тешксэнзэ, арсеманзо, ледстнеманзо аволь чуросто лиснесть «Эрзянь Мастор» кулялопасонть. Пачтяно ризксвал-мелявкст малавиксэнзэ туртов.
Демин Василий, Ишутонь Миколь, Калаганонь Керяз, Кшуманцянь Пиргуж, Нуянь Видяз, Тремасов Н., Шарононь Сандра, Юдина В.
|
RU: Данная работа создана сотрудниками газеты Эрзянь Мастор и распространяется по лицензии Creative Commons Attribution 4.0 International. См. пояснение внизу заглавной страницы газеты.
EN: This work is licensed under the Creative Commons Attribution 4.0 International License as a work by Erzyan Mastor journal employee(s). See the disclaimer on the bottom of the front page of the journal. |