Верьга ливти ёроплан,
Удалонзо качамо.
Чинек-венек тонь вечкан...
Иля пижне: «Аламо!»
Вай, кодамо виресь мазый,
Вай, кодамо чись лембе.
Вай, ялгинем-баягинем,
Листя мартон киштеме.
Вальма лангсо пивтинь ловсо,
А столь лангсо — чапамо.
Монь вечкемам тусь киштеме,
Мон мельганзо — цяпамо.
Васня кузян ковонтень,
Мейле валган ловонтень,
Зярдо вечкемам кадсамам,
Молян прокуроронтень.
Алопестэ верепев
Дёготь боцька кевери.
Эрьва нолгов цёранень
Мазый тейтерь эряви.
Иля яка, ломань, садга,
Иля тапа росадат.
Иля манче ломань цёрат,
Иля тейне досадат.
Монь алужом Московсо
Яки ашо костюмсо.
А мон эрян велесэ,
Юбкам сисем келесэ.
