Эрзянь Мастор/2011/24/Од ие марто, оят-ялгат! С Новым годом!

←Прявтлопа

Эрзянь Мастор, № 24 (368), 26 декабря 2011 edited by Нуянь Видяз, Кшуманцянь Пиргуж Од ие марто, оят-ялгат! С Новым годом !

Ацамковонь 21 чись - "Масторава"-нь Чи→

Статья на сайте газеты: № 368, 26.12.2011, Од ие марто, оят-ялгат! С Новым годом !

 

Од ие марто, оят-ялгат! С Новым годом !

Од ие марто, оят-ялгат! С Новым годом !

Мельвановикс ды вечкевикс эрзят!

Од иень валдо чистэнть арсян тенк эрямс апак сэреде. Улезэ шумбра рунгосонк шумбра ойме. Ванстодо, кие кода машты ды свал, эрзянь келенть, эрзянь койтнень! Путодо мель ловномс эрзякс, содамс минек историянть, кезэрень озномань ды лия койтнень, содамс эрзянь Ине ломантнень (национальной геройтнень) лемест, уцяскаст, тевест. Илинк стувто, эрзят, ялгаксчинк, лездадо вейкенк-вейкенк туртов, илинк ёмавто Эрзя раськень леменк, илядо тееве мордвакс. 2012 иенть мон, Инязорось, яволявтыя «Эрзянь Мастор» газетань иекс. Сон, ансяк сон, пурны, малавгавты эрзятнень.

Ютазь шканть апак сода а ули икелень шкась. Теде весе сёрмады «Эрзянь Мастор» газетась. Теинк сонзэ паро ялгакс, превень максыцякс, икелечинтень кинь невтицякс.

Эрзянь Инязорось Кшуманцянь Пиргуж,
Саран Ош, 2011 иень ацамковонь 23-це чись

 

*  *  *  *

Паро валт, сюкпря ёвтатано те эрьгела, те валдо чистэнть Мацьказонь Лёфайнень (Москов ош) «ЭМ»-с сёрмалеманзо кис. Малав эрьва номерсэ сонзэ аволь кувака, сень кис седейс пачкодиця кулянзо ды статьянзо. Шнатано пря, каштангалетяно — ули минек сёрмадыцятнень ютксо истя колсто, истя тевень содазь, истя превейстэ сёрмадыця, истямо публицист.

Арсетяно теть, Лёфай леляй (кой-кинень покштяй), шумбрачи, муемс седеяк ламо, пшти ды раксевтиця валт.

Прявтредаткорось Е. В. Четвергов

 

*  *  *  *

Бути Пегасонь панст ведьмензэ сехте нардевстэ кирдицякс яволявтынек Мацьказонь Лёфаень, Музань кутьмерицякс — весе кепедьсызь кедест! — Дригань Толаень (Samara ёнкс). Сон Муза марто сеедьстэ совси «Сятко» журналс, кецневти те аванть марто ояксчисэнзэ «Сятконь» теицятнень ды журналонь ловныцятнень. — Ну, а «ЭМ»-нь ловныцятне содасызь Толай ялганок, ожанзо илештязь, мокшананзо сювордазь, эрзянь келенть кис аштицякс. Сонзэ статьянзо — ёндолонь налт, толдо толт, пултазь пултыть перьканок истя сеедьстэ сравтневезь авидечитнень, муськи-лопавтни сэксэв тевтнень!

Модас сюконятано теть ёндолот кис. Самарань эрзят, кирдиде каштанчи — уле истямо сёрмадеенк!

Нуянь Видяз, Малавикс Раськень Литературань Казнень Лауреатось

 

*  *  *  *

Минь, «Эрзянь Масторонь» пурныцятне-теицятне, сонзэ ловныцянзо сюконятано паро тевест кис Грачёва Екатерина Николаевнанень ды сонзэ ялганстэнь. Сынь покштояк покш лезэ кандыть Эрзянь раськентень газетанть сравтнемасонзо. Пенза ёнкссо «ЭМ»-ть сермадстыцянзо весемеде ламо. Од Ие марто, Пенза ёнксонь ават паро тевть тенк ды паро мельть.

Илядо сэреде, илядо сыреде! Уледе свал-свал шумбрат!

Инязорось Пиргуж

 

*  *  *  *

Новогодний подарок от Головы

––––

От всей души желаю народу Эрзя полного исчезновения с лица земли! Успехи налицо: на сегодня удалось сократить численность эрзи и мокши, о чём говорят результаты переписи 2002 года, на 47%. Я — молодец! Уверен, к следующей переписи останутся «рожки да ножки», то есть не более 10 процентов. Это при условии, что буду рулить Республикой и далее.

––––––

Подарок от Главы Республики

–––––––

Хозяйственное правление Администрации Главы Республики Мордовия предъявило МРО Фонду спасения эрзянского языка в качестве новогоднего подарка претензию: к 10 января 2012 года оплатить 41 219 рублей за коммунальные услуги и пени в сумме 72 548 рублей, хотя знают, что таких средств у Фонда нет.

В это же время общественные организации — Союз журналистов. Писателей, театралов, художников, женщин, а также Советы ветеранов — Правительство РМ финансирует им не только коммунальные услуги, но и штат работников и денежные премии к Новому году.

 

*  *  *  *

"ЭМ"-нь нежензэ

–––––––

Сеедьстэ мукшныть тензэ ки, совсить «Эрзянь Масторс», эрзятнень ды лиятнень седейс

Аношонь Тумай (Лукоян ош)

Боляень Сыресь (Киев).

Жданкина Галина (Н-Новгород ёнкс),

Красильникова Надежда (Коминь Мастор)

Калаганонь Керяз (Саран ош)

Казаконь Петя атя (Саран ош)

Прокаень Костя лелянок (Пенза ёнкс),

Сазононь Лёва (Саран ош),

Шарононь Сандра (Саран ош),

Эрюш Вежай (Мурман ёнкс),

Челябань Инзейне (Люда Круглова),

Эрьгела, седеень витиця чить тенк Од иестэ, Од иень перть, свал-свал.

«ЭМ»-ь теицясь Кузоватонь Оля