Эрзянь Мастор/2010/21/Эрзянь келень идема Фондонь ветямкуронь промксонь 36 № Протоколозо

From Wikisource
Jump to navigation Jump to search
←Президенту Российской Федерации Д. А. Медведеву Эрзянь Мастор, № 21 (341), 12 ноября 2010 edited by Нуянь Видяз, Кшуманцянь Пиргуж
Эрзянь келень идема Фондонь ветямкуронь промксонь 36 № Протоколозо 		Прявтлопа→
Статья на сайте газеты: № 341, 12.11.2010, Эрзянь келень идема Фондонь ветямкуронь промксонь 36 № Протоколозо
 
Эрзянь келень идема Фондонь ветямкуронь промксонь 36 № Протоколозо
 

*  *  *  *

Сакшность: Калаганонь Керяз, Шарононь Сандра,
Кшуманцянь Пиргуж, Кузоватонь Оля,
Аношонь Тумай, Нуянь Видяз

Саран Ош, 2010.11.02

 

*  *  *  *

Кортамотне:

1. Пургазнэнь кеврунгонь путомадо.

2. «Эрзянь Мастор» газетас сермадстомадо.

Кортасть, ёвтызь мелест:

1. Кшуманцянь Пиргуж. Ошонь кирдийтне молить путоманть каршо. Секс, койсэнь, путомс сонзэ таркантень, косо ютавтневи Раськень Озксось. А эряви стувтомс теньгак: банконь процентнэ марто пурнавсть тенек кавто иень перть сисемьсядот ведькемень тёжа целковойть (750 000 руб.). Те вельть аламо. Кода улемс? Эрдt арсесынек.

2. Калаганонь Керяз. Мелесь, виевгавтомс Раськень Озксонть питнечинзэ кеврунгосо, а берянь. Ялатеке стявтомс... паксяс — ковгак а маштови. Питнезэ ледстнемрунгонть вишкалгады. Тарказо Пургазонь — Саран ош.

3. Шарононь Сандра. Чарькодеви, кирдийтневтеме Пургазнэнь кеврунгось а тееви. Ярмакт пурназь аламо. Кирдийтне — каршо. Пшкалинек Н. И. Меркушкиннэнь, А. М. Пыковнень. Лезэ арась. Монь койсэ, эряви сермадомс серма-энялдома Д. А. Медведевнень, президентэнтень, ды В. В. Путинннэнь, премьерэнтень. Сынст каршо валост мейле пурнавома одс ды арсема, само кодамояк лия мельс.

Мельспрамо.

1. Кучомс серма-энялдома — лездамс путомс кеврунго Пургазнэнь Саран ошсо — Президентэнтень Д. А. Медведевнень ды премьерэнтень В. В. Путиннэнь. Ёвтазь мельдест мейле пурнавома одс ды арсема кода улемс седе тов.

Мельспрамонть кис максызь вайгелест (кепедизь кедест) ветямкуронь кото ломантне.

2. Виевгавтомс сермадостоманть «Эрзянь Мастор» газетанть лангс.

Меленть кис кепедизь кедест весе (кото ломанть).

Промксонь ветицясь Кшуманцянь Пиргуж

Сермалицясь Кузоватонь Оля


RU: Данная работа создана сотрудниками газеты Эрзянь Мастор и распространяется по лицензии Creative Commons Attribution 4.0 International. См. пояснение внизу заглавной страницы газеты.
EN: This work is licensed under the Creative Commons Attribution 4.0 International License as a work by Erzyan Mastor journal employee(s). See the disclaimer on the bottom of the front page of the journal.
Retrieved from "https://wikisource.org/w/index.php?title=Эрзянь_Мастор/2010/21/Эрзянь_келень_идема_Фондонь_ветямкуронь_промксонь_36_№_Протоколозо&oldid=928476"