Эрзянь Мастор/2009/23/Чачома Чи марто!
| ←Прявтлопа | Эрзянь Мастор, № 23 (319), 16 декабря 2009 редактор Нуянь Видяз, Кшуманцянь Пиргуж Чачома Чи марто! |
* Эрзянь Мастор - 2010 *→ |
| Статья на сайте газеты: № 319, 16.12.2009, Чачома Чи марто! |
| Чачома Чи марто! |
Любаень Павел атянень, Любаев Павел Кирилловичнень, содавикс поэтэнтень — жойсэ эрзякс сермадыцянтень — 90! Сон чачсь 1919 иень ацамковонь 24 чистэ Обран ошонь (Нижноень) Болдина буень Пикшня велесэ. Зяро иень перть ютазь кидензэ саволь сермадомс аволь вейке лопа. Колмо валсо те лиси истя: одксшкань зорят, войнань толсо палыця иеть, милициясо кувать урендямо (служамо). Сюлми неть эрямонь пелькстнэнь ве пусмос виевдеяк виев ава, конань лемезэ Муза. Сон свал ульнесь прявтокс Павел покштянок лангсо, сон ды сонзэ вечкевикс мизолксозо ветсесть суронзо конёвонь ёнкстнэва ды лездась каземс ловныцятненень книгат: «Ялгань вал», «Пичень гайть», «Валдо ведьбайге», «Толпандянь сяткт»... Весемезэ 15 книгат.
* * *
Арсетяно теть, Павел покштяй, Ине поэт ды чевте седей ломань, шумбрачи ды Муза марто пси вастневемат-арсемат чачома чистэт ды свал-свал.
Мелень ванозь «Эрзянь Масторонь» теицятне ды ловныцятне.
* * *
(стихотворение от: Надежда Родионова, Республиканский Дом народного Творчества, удалено)[1]
* * *
Ацамковонь 15 чись — Кузоватонь Олинень чачома чизэ. Сон «Эрзянь Мастор» газетанть штердицязо, кодыцязо, стыцязо ды викшницязо. Мезть ютыть сельменк икельга, мезе нетядо-марятадо, теизь Олинень пшти вановтозо, валдо превензэ ды эрязо-ливчаня кедензэ-суронзо. Ванат газетань лехатнес — неят Кузоватонь Олинень.
Кузоватонь Оля чачсь Мордовия Республикань Березникень буень Шугурвелесэ. Чачома велень школанзо прядомадо мейле (1994-1999 иетнестэ) тонавтнесь Саранонь университетсэ. Сонзэ прядомазо мейле прядызе правовой академиянть (2004). Парсте содысынзе эрзянь, рузонь ды мокшонь кельтнень.
* * *
Оля, минь, кинь сермадовксост совавтат газетань лехатнес, мейле кучнят Россиянь келес эриця ловныцятненнь, арсетяно теть изнявкст-изнямот ёжонь колсиця вийтнень лангсо, тундонь мизолкст ды свал-свал эрьгела ёжо, леекс чудиця кеняркст.
«Эрзянь Масторонь» теицятне ды ловныцятне
- ↑ Данный текст удалён из-за правовых ограничений, т. к. нет информации о доступности его по свободной лицензии. Полный текст данной статьи газеты «Эрзянь Мастор» (включая удалённый фрагмент) можно прочитать, перейдя по ссылке в шапке статьи на сайт газеты. — Примечание от редактора эрзянской Вики-библиотеки.
|
RU: Данная работа создана сотрудниками газеты Эрзянь Мастор и распространяется по лицензии Creative Commons Attribution 4.0 International. См. пояснение внизу заглавной страницы газеты.
EN: This work is licensed under the Creative Commons Attribution 4.0 International License as a work by Erzyan Mastor journal employee(s). See the disclaimer on the bottom of the front page of the journal. |