Эрзянь Мастор/2008/24/Од книгат!

From Wikisource
Jump to navigation Jump to search
Эрзянь Мастор, № 24 (296), 25 декабря 2008 edited by Нуянь Видяз, Кшуманцянь Пиргуж
Од книгат! by Нуянь Видяз
Статья на сайте газеты: № 296, 25.12.2008, Од книгат!
 
Од книгат!

Истямо уш эрямось! Ламонть-мезенть питнезэ, инечизэ чарькодеви ёмавтомадонзо мейле. Истя лиссь Федор Иванович мартояк. Ламоксть мартонзо вастневинь, ламодо-мезде кортнинек мартонзо. Сёрмалинь эздэнзэ газетас-журналс. Содылинь: истят ламонь содыцят, чарькодицят литературасо, музыкасо, ... математикасо вастневить чуросто. Тусь эйстэнек. Кулось. Педе пес тенек эзь содаво, кодамо ёмавкс теевсь Эрьзянь раськенть туртов.

Лиссь «Мой двадцатый век» эсь эрямодонзо ёвтниця книгазо. Ды сонзэ ловнозь чарькодия, тусь юткстонок Ине ломань. Гений. Кеман, эрьва ловныцясь сы монь мельс.

Арсеви, Самарасо, Самара ёнксонь Похвистень ды Исаклань буетнесэ муевить ламот, кинь ули мелезэ ловномс те книганть. Сермадодо тенек. Кучсынек.

Евгений Четвергов


RU: Данная работа создана сотрудниками газеты Эрзянь Мастор и распространяется по лицензии Creative Commons Attribution 4.0 International. См. пояснение внизу заглавной страницы газеты.
EN: This work is licensed under the Creative Commons Attribution 4.0 International License as a work by Erzyan Mastor journal employee(s). See the disclaimer on the bottom of the front page of the journal.