Эрзянь Мастор/2008/06/Явдано седейризкс

←Опрос: Станет финно-уграм России лучше при Медведеве?

Эрзянь Мастор, № 6 (278), 28 марта 2008 edited by Нуянь Видяз, Кшуманцянь Пиргуж Явдано седейризкс

Прявтлопа→

Статья на сайте газеты: № 278, 28.03.2008, Явдано седейризкс

 

Явдано седейризкс

Прядовсь эрямо кизэ Арапов Василий Павловичень, эрзянь содавикс сермадеенть. Чачсь 1922.03.10 Мордовиянь Дубинькань буень Морго велесэ. 1940-47 иетнестэ урендейсь (служась) Тихоокеанской флотсо. Прядызе Огарев лемсэ историянь-филологиянь факультетэнть. Важодсь Дубинькань буень Кенде велень школань прявтокс, Кобалесэ тонавтсь, ветясь историянь, географиянь ды литературань урокт. 1982 иестэ саезь, пенсияс туемадонзо мейле, эрясь Краснодар чирень Северская станицасо. Ламо, эрзянь сюпав кельсэ ёвтнеманзо макстневсть «Сятко», «Мокша», «Чилисема» журналтнесэ. 1995 иестэ Саран ошсо лиссь «Аштема ков» прозань книгазо.

Тусь ломанесь. Кадовсть ёвтнеманзо. Сынь поладсызь течинь чисэ эрямонзо.

Пачтяно Арапов А.В. церанзо ды лия содавиксэнзэ туртов седейризкс.

 

*  *  *  *  *  *  *  *  *  *  *  *  *  *  *  *  *  *  *  *  *  *  *  *  *  *  *  *  *  *  *  *  *  *

Кулось Терёнь Ольга сырькаесь (Кондратьева Ольга Терентьевна). Чачсь 1916 иень аштемковонь 10 чистэ — кулось 2008 иень эйзюрковонь 20 чистэ. Пингензэ эризе Эрзянь Масторонь Игнатонь буень Кшуманця велесэ. Сон пек мелявтсь ды лездась эрзянь келень идема тевентень.

Ёвтан ризкс-мель эйкакшонзо, нуцьканзо ды содавиксэнзэ туртов.

Кшуманцянь Пиргуж инязорось

–––––––––––––––––––––––––––––––––––––––

Ёмить се валтнэ, тевтне, моротне, конатне киненьгак и кармить эрявомо.

Ч.Журавлёв