Эрзянь Мастор/2006/22/Чилисеманень - 75
| ←Прявтлопа | Эрзянь Мастор, № 22 (246), 24 ноября 2006 edited by Нуянь Видяз, Кшуманцянь Пиргуж Чилисеманень — 75 |
Что ты сделал для своего народа? Эрзяне и Мокшане!→ |
| Статья на сайте газеты: № 246, 24.11.2006, Чилисеманень - 75 |
| Чилисеманень — 75 |
1931 иень сундерьковсто чачсь «Якстере тештине» эйкакшонь журналонть васенце номерэзэ. Тиражозо аволь покшоль — тёжашка экземплярт. Саранонь библиотекатнесэ эзь ванстово. 1933 иестэ журналось лемдязель одс — «Пионерэнь вайгель». Редакторозоль содавикс сермадеесь Куторкин Андрей Дмитриевич. 1941-1972 иетнестэ эрзянь эйкакштнэнь туртов (комсь иеде ламо) журнал эзь нолдаво. 1972 иестэ кармась лиснеме «Пионерэнь вайгелесь» путовксокс «Сятко» журналонтень. Башка нолдтневицякс теевсь 1988-стэ, а 1991 иестэ макссть тензэ од лем — «Чилисема». Редакторозо се шкастонть саезь Ишуткин Николай Иванович. Икелень коряс журналось «эчкелгадсь», сюпалгадсь сермадомань тематиказо эйкакштнэнень ды од ломантнененьгак. Секскак сермадыцянь-ловныцянь аудиториязо ламоксть келейгадсь.
Эрьвань эрямосо 75 иетне — сыречинь иеть, «Чилисеманень» сынь — од, панжома шкань. Свал валдомт эрямонок, «Чилисема», ульть свал мартонок, кецневть, эряк, кемеманок, седейсэнек!
|
RU: Данная работа создана сотрудниками газеты Эрзянь Мастор и распространяется по лицензии Creative Commons Attribution 4.0 International. См. пояснение внизу заглавной страницы газеты.
EN: This work is licensed under the Creative Commons Attribution 4.0 International License as a work by Erzyan Mastor journal employee(s). See the disclaimer on the bottom of the front page of the journal. |