Эрзянь Мастор/2006/08/Мария Романовна Биушкина - 2005 иень А.П.Рябов лемсэ казнень лауреат
| ←Прявтлопа | Эрзянь Мастор, № 8 (232), 26 апреля 2006 edited by Нуянь Видяз, Кшуманцянь Пиргуж Мария Романовна Биушкина — 2005 иень А.П.Рябов лемсэ казнень лауреат |
Эрзянь Инекужо - Эрзянский Конгресс→ |
| Статья на сайте газеты: № 232, 26.04.2006, Мария Романовна Биушкина — 2005 иень А.П.Рябов лемсэ казнень лауреат |
| Мария Романовна Биушкина — 2005 иень А.П.Рябов лемсэ казнень лауреат |
Эрзянь келень идема Фондонь прявткурось сась мельс: эрзянь келенть ды культуранть аштеманзо кис А.П.Рябовонь лемсэ казненть ды лауреатонь лементь максомс Биушкина Мария Романовнанень.
Биушкина М.Р. чачсь 1925 иень ацамковонь 14-це чистэ неень Мордовия Республикань Дубинькань буень Морга велесэ. 1955 иестэ прядызе Саранонь А.И. Полежаев лемсэ педагогикань институтонть. 1957-62 иетнестэ важодсь тонавтыцянь тонавтома Институтсо методистэкс. 1962-70 иетнестэ — Саранонь телевидениянь эйкакшонь редакциясо редактор. 1971-84 иетнестэ важоди Башкортостансо, Стерлитамаконь, ды Украинасо педагогикань институтсо. Вешнемань-муемань (исследованиянь) темазо: «Билингвизматне эрзянь ды рузонь кельтнесэ». Филологиянь кандидатось М.Р.Биушкина сермадсь зярыя тонавтнемань, ёвтнемань ды эйкакшонь туртов пьесань книгат, путсь ды путы ламо вийть эрзянь келень идема тевентень.
Мельвановикс Мария Романовна! Казненть максома марто арсетяно тонеть шумбрачи д ы истя жо весе вийсэть кандомс эрзянь канстонть.
|
RU: Данная работа создана сотрудниками газеты Эрзянь Мастор и распространяется по лицензии Creative Commons Attribution 4.0 International. См. пояснение внизу заглавной страницы газеты.
EN: This work is licensed under the Creative Commons Attribution 4.0 International License as a work by Erzyan Mastor journal employee(s). See the disclaimer on the bottom of the front page of the journal. |