Эрзянь Мастор/2004/11/Нурька морынеть

←Эрзят, эрзят, косотадо?

Эрзянь Мастор, № 11 (186), 15 июня 2004 редактор Нуянь Видяз, Кшуманцянь Пиргуж Нурька морынеть

Тусь авинесь→

Статья на сайте газеты: № 186, 15.06.2004, Нурька морынеть

 

Нурька морынеть

 

Верепесэ — содов кудот,
Алопесэ — чалгамот.
Хомань кондят цётмар судот
Веленть эйсэ аламот.
Судявольтя паро ломанть,
Меревлинек: «Ладна».
А ней судить чаво прятне,
Кирдемскак досадна.
Верепестэ сы пиземе,
Сы пиземесь виевстэ.
Исяк чокшнэ монь алужом
Кортась мартон иредьстэ.
Каникуланок ютасть,
Таго тонавтнемась сась.
Карматано бажамо
Ансяк вететь кундамо.
Морынь, морынь — чапаськадынь,
Чурька сэвинь — седеяк.
Трантасонть кильдия
Ды Найманов пстидия.
Адя, ялгай, киштяно,
Мездеяк а пиштяно.
Кадык ломанть судясамизь —
Кидеяк а виздтяно!
Мон киштеме маштан,
Морамояк маштан.
Ансяк, ялгат, тонавтнемстэ
Овто ладсо шаштан.
Пандо прясо кассы куз,
Сон истямо сэрей.
Сёмконь Тюма, теке туз,
Пенгеяк а кери.
Миколь, морак, Миколь, морак,
Гармониясь тонсеть.
Кода кармат урьвакстомо,
Саемака монсень.
Маря совсесь ломань пирес,
Тосто салась чурькат.
Ношкстась чиезь — кеверсь кирекс,
Эх, пильгензэ нурькат!
Вай, ялгинем, ризксэм ламо,
Ков мон зняронь тейсынь?
Ужо вейкенть ёртсса калмос,
А омбоценть сезьса.
Верепестэ Алопев
Чаво парькат кеверить.
Эрьва нолгов од цёрантень
Паро тетерь эряви.
Те кодамо шайтян лисьма:
Чуван, чуван — ведь арась.
Те кодамо шайтян алуж:
Учан, учан — сон арась.
Пандо прясо ашти крандаз,
Ашкстонть сельведть петнить.
Мон арсинь: алужом «ваз»,
Сон, прок сея, мекни.