Эрзянь Мастор/2003/21/Лиссь од книга
| ←Вирь чиресэ | Эрзянь Мастор, № 21 (172), 17 ноября 2003 edited by Нуянь Видяз, Кшуманцянь Пиргуж Лиссь од книга |
Весть из Башкортостана→ |
| Статья на сайте газеты: № 172, 17.11.2003, Лиссь од книга |
| Лиссь од книга |
| ХРОНИКА |
| * * * * * * * * * * * * * * * * * * * * * * * * * * * * * * * |
Сундерьковсто Саран ошонь «Красный Октябрь» типографиясь нолдызе «Эрзянь мельсэ» Эрюш Вежаень книганзо. Эйсэнзэ евтнемат, арсемат, стихть, ютавтовкст лия кельстэ эрзянь кельс.
Эрюш Вежай (Ерюшев Борис Алексеевич) чачсь 1955 иень эйзюрковонь 7-це чистэ. Эйкакшпингезэ ютась Самара енксонь Беднота эрзянь велинесэ. Тонавтнесь иневедьга укшномо училищасо, академиясо. Пенсияс туемазонзо важодсь флотсо. Омбоце рангонь капитан. Эрзянь келентень школасост эзть тонавто, тень лангс апак вано, сермады пек паро евтнемат, стихть. Сонзэ сермадовксонзо сеедьстэ печатавить газетасо, «Сятко», «Чилисема» журналтнэсэ. Те книгась сонзэ васенце.
Авторось книгасонзо сермады седе, мезесь пулты эрьва эрзянть седеензэ — янгазь велетнеде, стувтозь койтнеде-кирдатнеде. Теи тень оймень панжозь, мезеньгак апак сепо, секс евтнеманзо, валморонзо вечкевитькак ловныцятненень, кармавтыть арсеме.
Книганть рамамонзо кувалма пшкадеде «ЭМ» редакцияс.
|
RU: Данная работа создана сотрудниками газеты Эрзянь Мастор и распространяется по лицензии Creative Commons Attribution 4.0 International. См. пояснение внизу заглавной страницы газеты.
EN: This work is licensed under the Creative Commons Attribution 4.0 International License as a work by Erzyan Mastor journal employee(s). See the disclaimer on the bottom of the front page of the journal. |