Эрзянь Мастор/2003/21/"Косат эно тон"

←Эрзянь покшт, покштинеть

Эрзянь Мастор, № 21 (172), 17 ноября 2003 edited by Нуянь Видяз, Кшуманцянь Пиргуж "Косат эно тон"

Прявтлопа→

Статья на сайте газеты: № 172, 17.11.2003, "Косат эно тон"

 

"Косат эно тон"

истя лемдязь Анна Атласовань од аудиокассетазо. Эйсэнзэ морот: «Вирь чиресэ», «Ине лей», «Лавсень моро», «Эрзянь Полине», «Пекшень дудкине», «Косо, косо да Утяша», «Весемеде мазыйнем», «Кавто церат тикше ледить», «Тиринь веле», «Кезэрень шкатнестэ», «Нусманя моро», «Панжи лемось», «Вирь удало», «Косат эно тон», «Авкай, молян мон вирев», «Мезекс чизэ курок мади?», «Эрзянь моро», «Россиясо».

Мордовиянь заслуженной артистканть Анна Атласовань лемезэ вельть содавикс, кода республикасонок, истя сонзэ томбалеяк. Сон чачсь Мордовиянь Отяжень буесэ Таразбуе эрзянь велесэ. Комсте ламо иеть морси «Келу» ансамблясонть. Анна Атласовань репертуарсо эрьва кодамо жанрань морот. Но сонзэ творчествантень седе пек лади лирикась. Морыцянть мазыйдеяк мазый вайгелезэ токи кунсолыцянть седеензэ, саи эйсэнзэ моронь масторов.