Эрзянь Мастор/2003/14/Од книгат

From Wikisource
Jump to navigation Jump to search
 
Од книгат

"Вечкевикс морот"

Те книгантень совасть кезэрень ды неень шкань эрзянь морот. Веенстнэнь лацинзе ды ламо пингень перть морси сонсь раськесь, лиятнень сермадызь М. Кемаль, С. Люлякина, М. Моторкин. Сыньгак, неть моротне, вечкевсть ды, ловт, теевсть раськень морокс. Теде башка книгантень совасть эрзянь кельс ютавтозь рузонь содавикс моротне. Сынст эрзянь морокс теинзе книганть пурныцязо Маризь Кемаль.

Нуянь Видяз "Иень тюст"

Нуянь Видязонь, Четвергов Евгениень евтнеминензэ тердить минек улемс малавиксэкс пертьпельксэнтень, содамс сонзэ ды вечкемс чачома Масторот ладсо, марямс сонзэ вайгелензэ ды неемс иень перть полавтневиця тюсонзо. Сермадеесь мазый ды сюпав эрзянь кельсэ евтни сынст вельде ломаненть ежодонзо: кеняркстонзо, мелявкстонзо,арсемадонзо ютазь ды валскень чидензэ, евтни эрямодонть.

Раиса Щанкина "Уцяскань селмот"

Киде сермадозь те книгасонть, вейсэнди вейкесь — сынь ве раськень ломанть, конат а явныть пряст вейке-вейкеде, мекевланк, путыть виест раськень вельмевтемантень. Артист, ученой, тонавтыця... сынь прок ве пизэстэ, содыть вейке-вейкень, ды эрьвась со-ды лиянть питнечинзэ. Вакс-сост ашти книганть сермадыцяськак, “Литова” вейсэндявксонь ды “Ламзурь” ансамблянь прявтось, журналистэсь Раиса Щанкина.


RU: Данная работа создана сотрудниками газеты Эрзянь Мастор и распространяется по лицензии Creative Commons Attribution 4.0 International. См. пояснение внизу заглавной страницы газеты.
EN: This work is licensed under the Creative Commons Attribution 4.0 International License as a work by Erzyan Mastor journal employee(s). See the disclaimer on the bottom of the front page of the journal.