Эжва
| Эжва (1914) by |
| Гижан кад: 1914, Йӧзӧдан во: 1914. Ӧшмӧс: Коми мойдан и сьылан кывъяс. Сыктывдінкар, 1914. |
Эжва, Эжва! Тӧв и гожӧм
Кытчӧ ватӧ ассьыд нуан?
Кымын шорӧн, кымын вожӧн
Вӧрысь, лудйысь зэртӧ юан?
Кымын морт тэ вывті ветлӧ
Пыжӧн гожӧм, тӧлын вӧлӧн?
Кымын морт тэ дорын пӧтлӧ?
Мыйта овмӧдчис тэ пӧлӧн!
Тӧлын шыльыд туй тэ ваян,
Гӧгӧр кытшлалӧмъяс чинтан,
Тулыс видзьяс вылӧ каян,
Турун пӧткӧдан да вынтан.
Тулыс тэнад пом оз тыдав,
Тупкан гӧгӧрыд тэ лыа,
Тӧвлы ворсны сэки гыда,
Быттьӧ саридз вылын гыа!
Кымын морт тэ дінын вердчӧ!
Пуръяс помтӧг лун-вой кывтӧ...
Быдӧн удж Эжваын бертчӧ,
Кынӧмпӧт шедӧ тэ вывті!
Воас шойччӧг! Ӧні дырйи
Кӧть и гортӧ нэм эн пырлы:
Шоныд рытъяс Эжва кырйын
Сьылӧм, гажӧдчӧм оз бырлы.
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse