Эг тай меӧй кӧсйывлы вӧрзьыны...
| Эг тай меӧй кӧсйывлы вӧрзьыны... (1889) by |
| Гижан кад: 1889, Йӧзӧдан во: 1889. Ӧшмӧс: Зырянский край при епископах пермских и зырянский язык : пособие при изучении зырянами русского языка / сост. Г. С. Лыткин. - Санктпетербург, 1889. |
Эг тай (ыджыд из тай) меӧй кӧсйывлі вӧрзьыны
Дас кык уль пу зорйӧн зоръявтӧг,
Эг тай (сир мыр тай) меӧй кӧсйывлі чуктыны
Дас кык лагыра черӧн керавтӧг.
Морт ай пилы эз тай ков
Уль пу зорыс, кӧрт черыс.
Уль вый небыд кывнас,
Менӧ, коньӧрӧс, бертыштіс.
Менсьым ныл нылӧмӧс тай нуис
Паськӧм мыг улас шымыртӧмӧн;
Кос (вӧнь) гӧрӧдас тай сійӧ нуис
Веськыд гӧрӧдӧн гӧрддзалӧмӧн;
Пидзӧс помас тай сійӧ нуис
Муркйӧдлігтырйи;
Коклябӧр йылас тай сійӧ нуис
Бергӧдлігтырйи;
Кок чунь йылас тай сійӧ нуис
Чужъялігтырйи;
Вом дор йылас тай сійӧ нуис
Пӧляліг (шутьлӧдліг) тырйи;
Ки пыдӧсас тай сійӧ нуис
Мачалігтырйи (уль кольк этшӧн);
Чунь пом йылас тай сійӧ нуис
Чепльӧдлігтырйи;
Паськыд ыбӧ тай сійӧ лэдзис
Пельӧн кывлывтӧм вылӧ,
Синмӧн аддзывтӧм вылӧ.
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse