Кылбурысь люкетэз
Ӝужыт йӧ гурезь пыр
потӥськом кӧбертэк,
Степеньёсыз кырӟатском асьмея.
Омырын лобаськом кышкатэк,
Музъем пуш но мия серекъя.
Геройёс вордӥсько ми пӧлысь,
Весь ваньмы ми луом геройёс,
Ужаськом, улӥськом огкылысь
Пӧртэмесь нацио калыкъёс.
Заводын, рудникын, луд вылын
Ужамлэн кужымез син азьын,
Вылысьтыз вылаз выль вормонмы
Гурезен ӝутӥське кунамы.
Со гурезь йылысен адӟиське
Тусбуез быдэскын дуннелэн,
Чильваез пазяське тылсиен.
Курадӟись калыклэн сюлмызлы
Уй-нунал со кисьте шунытсэ,
Зӥбетысь потыны соослы
Уй-нунал пачылтэ югытсэ.
