Шонді петӧм
Jump to navigation
Jump to search
| Шонді петӧм (1914) by |
| Гижан кад: 1914, Йӧзӧдан во: 1914. Ӧшмӧс: Коми мойдан и сьылан кывъяс. Сыктывдінкар, 1914. |
Ак, кутшӧм гажа асывводз!
Вой кольӧма нин. Шы ни тӧв...
Неуна кӧдзыд, кымӧр шоч,
А ылын, кылӧ, гӧрдлӧ вӧв.
Йӧз узьӧ. Эжва быттьӧ визь.
Му вывті нюжӧдчӧма югыд
И вӧрӧ муртса корнас кыдз.
Вой югдіс... Зарни шонді регыд!..
Ва вылын лӧнь, быд чери ворсӧ,
Да лыва кузя дзодзӧг чукӧр
Зэв тшапа мунӧ, каля горзӧ...
И мыччысьӧ нин шонді югӧр.
Вӧр ловзис... Дугдывтӧг кай сьылӧ.
Пу йылын зарни визь нин вӧрӧ...
Гаж шонді лэдзӧ нин му вылӧ...
Йӧз, садьмӧй, чеччӧй, уджъяс керӧй.
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse