Шиғыр китте. Тамара Искәндәриә

From Wikisource
Jump to navigation Jump to search

Шиғыр китте (Шиғыр)
автор Тамара Искәндәриә


Шиғыр китте


Шиғыр китте.
Йәнем,
Шиғыр үлде.
Ҡәһҡәһәләй,
Бушлыҡ
Һығылып көлдө,
Таратҡанда елдәр
Ҡайнар көлдө -
Янып ҡына бөткән
Шиғри түлде...

Шиғыр китте.
Йәнем,
Шиғыр күнде -
Онотор ул
Тулҡын ҡаҡҡан көндө,
Ҡомло ярҙа
Сәнскәк ҡалҡҡан инде,
Һөйөүеңә
Өмөт һүнде,
Дүнде.