Чеԉаԃ быԁтӧм
| Чеԉаԃ быԁтӧм (1922) by |
| Гижан кад: 1922, Йӧзӧдан во: 1922. Ӧшмӧс: Коми календар. 1923 во. Сыктывдінкар: Коми нига лэдзанін, 1922. |
Быԁ баԏ-мамлы колӧ ԇоԋвіԇа, бур, ԍуԍ чеԉаԃ. Велӧԁчытӧм прӧстӧј јӧз пыр кевмӧны јенлы, корӧны бур мывкыԁ ԁа ԇоԋвіԇалун. Быԁ віԍӧм, быԁ омӧԉ, быԁ бур чајтӧны јенԍаԋ лоіг; сы-понԁа уна шог јӧз-вывті мунӧ быԁтыԍігаԁ, олігаԁ. — „Сіԇі-пӧ јен шуӧма“. Ставыс еԍкӧ ас-вӧснаным. Уна торјыԍ мыжа баԏ-мам чеԉаԃ воԇын.
Ԇоԋвіԇа чеԉаԃ вермасны лоны сӧмын ԇоԋвіԇа баԏ-мамлӧн. Віԍлӧс баԏ-мамлӧн, вывті томјаслӧн, пӧрыԍјаслӧн оз вермы тыр ԇоԋвіԇа чеԉаԃ лоны. Віна јуыԍјаслӧн, ԉоквіԍыԍјаслӧн оз вермыны лоны тыр вежӧра ԇоԋвіԇа чеԉаԃ. Унҗык віԍлӧс, јӧј чеԉаԃыс му вылас віна јуыԍ ԁа ԉоквіԍыԍ баԏ-мамлӧн. Мукӧԁ-ԁырјі еԍкӧ віна јуыԍыс ачыс оз віԍ, немыс ԇоԋвіԇа олас ԁа чеԉаԃыс чужӧны јӧјӧԍ, рӧԃімечаӧԍ, ԋемӧјӧс, пеԉтӧмӧԍ, ԍінтӧмӧԍ. Кага артмігас-кӧ баԏ-мамыс коԁјураӧԍ вӧліны (сеԍԍа кӧԏ ԋекор ез јулывлыны) кагаыс оз жӧ ԇоԋвіԇа ло. Сіјӧн вінајуыԍјаслы, ԉоквіԍыԍјаслы оз веԍіг поԅ гӧтраԍны.
Меԁ војԁӧр чеԉаԃлы колӧ бур, пӧтӧс ԍојан ԁа сӧстӧм сынӧԁ. Чеԉаԃӧс ԋӧтчыԁ оз ков вінајасӧн, сук щајӧн ԁа сурјасӧн јуктавны.
Мукӧԁ баԏ-мам кынмӧмыԍ полӧм-вӧсна тӧвбыԁ оз леԇлыны ԁука керкаԍыныс чеԉаԃнысӧ. Ывлавылӧ петавтӧгыԁ чеԉаԃ омӧԉӧԍ лоӧны: сынӧԁтӧгыԁ-ӧԁ ԇоԋвіԇалуныԁ оз вермы лоны. Чеԉаԃлы сеԍԍа колӧ котралӧм, вӧрӧм, горзӧм, ворсӧм. Выныԍ вывті ԍӧкыԁ уҗ щыкӧԁӧ чеԉаԃӧс. Налӧн сетыԍ ԍӧлӧмныс омӧԉтчӧ, чужӧмныс быгалӧ, вынтӧмӧԍ быԁмасны. Ԋӧтчыԁ оз ков ԉокавны, скӧравны чеԉаԃ вылӧ, веԍіг ас костаԁ оз ков увгыны чеԉаԃ-ԁырјі.
Кесјӧԁлыны најӧс колӧ бурӧн. Оз ков самӧвӧԉітны. Кывтӧ колӧ кутны чеԉаԃ воԇаԁ. Ӧтчыԁ мыј шуан, ен веж.
Вітчӧмыԍ ԁа нӧјтӧмыԍ чеԉаԃ сӧмын ԉокмӧны ԁа јӧјмӧны.
Ԋекор оз ков чеԉаԃӧс повԅӧԁлыны, оз ков віԍтавлыны полан торјас.
Куш кывјӧн бурвылӧ чеԉаԃӧс он вермы велӧԁны. Налӧн ӧтар пеԉӧԁныс пырӧ, мӧԁарӧԁныс петӧ. Сӧмын верман најӧс велӧԁны аслаԁ олӧмнаԁ. Аԁԇӧны-кӧ чеԉаԃ гырыԍлыԍ, баԏ-мамлыԍ бура олӧм, аԍныс велӧԁчӧны сіԇ-жӧ овны. Кущӧмӧԍ баԏ-мам, сещӧмӧԍ і чеԉаԃ лоӧны. Баԏ-мам-кӧ мӧԁа-мӧԁнысӧ ԋінӧм-тујӧ пуктӧны, чеԉаԃныс сіԇ-жӧ ԋінӧм-тујӧ кутасны пуктыны најӧс. Піԋаԍыԍ, коԍаԍыԍ, јортчыԍ, маԏкыԍ баԏ-мамлӧн і чеԉаԃ сещӧм-жӧ лоӧны.
— „Мыј-пӧ-тај кӧԇан, сіјӧ і вунԁан“.
This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
- its creator didn't fight or work for Soviet Union victory during the Great Patriotic War — so the 70-year protection term is applied;
- and the creator died before January 1, 1954 (more than 70 years ago), and has been not posthumously rehabilitated since that date;
- and this work was first published before January 1, 1954 (more than 70 years ago).
This work is in the public domain in the United States because it was published before January 1, 1929 (more than 95 years ago).
The author died in 1925, so this work is also in the public domain in other countries and areas where the copyright term is the author's life plus 98 years or less (if applicable), or the copyright term is 101 years or less since publication (if applicable).
Public domainPublic domainfalsefalse