Чăпта çапакансем
| Чăпта çапакансем (1917) by |
| Хайланă дата: 1917, Пичетленĕ çул: 1917. Çăлкуç: Вула Чăвашла |
Йĕркеренех ялсенче
Лутра çурт та пĕчĕк пÿрт,
Çийĕ улăм, тĕренче;
Вулакана ăшне кÿрт.
Унăн ăшне астăвăр:
Çутă та мар, шăшлă,
Куçпа пăхса çаврăнăр:
Курăспала хăй, чăпта.
Тăрать чăпта умĕнче
Шурса кайнă яш ача.
Ăна хирĕç леш енче
Тăрать пĕчик хĕрача.
Алăк панче карăнса
Курăс чĕрет тепĕр хĕр.
Пурте ĕçлет васкаса,
Хам пĕлместĕп, мĕншĕн-тĕр.
Хĕлĕн вăрăм çĕрĕнче
Вĕсем тăнă çурçĕрте:
Кунне ура тăрринче
Ĕçĕ анмасть нимĕн те.
Курăс тусанне çăтса
Кăкрисене лартаççĕ,
Аптранипе ывăнса
Хăйсем юрă юрлаççĕ.
«Чуп: чуп: лашам: чуп: лашам:
Çитес çĕре çит, лашам:
Çитес çĕрте сăра пур,
Хĕпĕртетме сар хĕр пур.
Çап, çап, ачам, чăптуна,
Чăтса ирттер ыйхуна.
Хуйхă-суйхă çийĕнче
Иртет пирĕншĕн çут тĕнче.
Аттей-апай çулăхĕ
Çитрĕ пулĕ пирн çие.
Ырă çынсен ырлăхĕ
Пулман пирĕн телее.
Çап, Энтимĕр, стрепална.
Хытăрах ту чăптуна.
Яр, Натали, йĕппÿна,
Çын хушшине эс те кер!
Алăк пăнчи Кулюна,
Кулянмасăр курăс чĕр.
Пирĕн ĕмĕр! яш ĕмĕр
Иртет чăпта умĕнче.
Пурнăç тытас терĕмĕр,
Çанна ку рăс кутĕнче!
Эх, чуп лашам, ан ÿркен.
Çулна тухсан, çулна чав.
Пушшăм юлнă аттемрен,
Сĕлĕ тесен – яр йыхрав.
Ĕçлĕр, ĕçлĕр, ачасем.
Касăр часрах чăлхине.
Пирĕншĕн карсак куклисем
Лартман халĕ кăмакине.
Ĕçлĕр, ĕçлĕр, ан чарнăр,
Каç пулсассăн тин канăр;
Апат пултăр умăрта,
Ĕçĕр пултăр аллăрта.
Çапсан-çапсан майĕпе
Çитĕпĕр-ха çынсене.
Шупашкарта чăптипе
Илĕпĕр-ха укçине».
Пирĕн патри чăвашсем
Çапла чăпта çапаççĕ.
Çапла чăпта ачисем
Мĕскĕн юрă юрлаççĕ.
Чăпта хакне хушманран
Аптрать чăпта çапакан
Кам вĕсене пулăшĕ,
Ăна пулĕ тупăшĕ.
1917
 
|
This work is in the public domain in the United States because it was first published outside the United States prior to January 1, 1929. Other jurisdictions have other rules. Also note that this work may not be in the public domain in the 9th Circuit if it was published after July 1, 1909, unless the author is known to have died in 1953 or earlier (more than 70 years ago).[1]
This work might not be in the public domain outside the United States and should not be transferred to a Wikisource language subdomain (or as a file it should not be migrated to the Wikimedia Commons) that excludes pre-1929 works copyrighted at home. Данная работа, впервые изданная до 1929 года, находится в общественном достоянии по законодательству США, и может быть опубликована здесь, в мультиязычной Викитеке. Но эта работа не может быть опубликована в национальной Викитеке, которая должна подчиняться законодательству России, т. к. работы этого автора (за исключением изданных до 7 ноября 1917 года) пока не вышли в общественное достояние в России. Этот автор умер в 1942 году и был посмертно реабилитирован в 1956 году, соответственно эта работа выйдет в России в общественное достояние в 2027 году.
The author died in 1942, so this work is also in the public domain in countries and areas (outside Russia) where the copyright term is the author's life plus 80 years or less. |