Цевер шошым

Канюшков Аркадий Максимович

ЦEВEР ШОШЫМ

Сӓндӓлӹкнӓжӹ - лач пeлeдӹш,
Лявӹрӓ викок акат кай.
Цилӓ ыжаргы дон лeвeдeш
Пӓшӓлӓш мастар цeвeр май.

Шалгалта ош тыгыран ломбы,
Якшаргын-ошын каeш сад.
Олмаву шалга, вуйжым лонгын,
Аздарeн канда мӱкшвлӓм пац.

Аярeш кӱшкӹлӓ аварга
Ыжаргыш партыш - азым ныр.
Пӓшӓнӓм бомба ӹнжӹ тарвы,
Кӹзӹтшӹ ганьы лижӹ тыр.

Ах, цeвeр шошым! Ти вeрeмӓн
ӹвӹртӹдeжӹ акат ли.
Туан мӱлӓндӹ гань уэмӹн,
ӹлӹмӹ шоэш тӹжeм и.

1987