Цевер олма

Цевер олма

Олмавушты шукы олма кечӓ,

Ёлка вӹлнӹш мадышвлӓлӓок.

Йӹлгӹжтӓрӓ нӹнӹм цевер кечӹ,

Олман цӹре - ӹдӹр лицӓок.


Ти олмавум мӹньӹ вет ушенӓм,

Тотлы сортым вояш соэшок.

Їдӹр кушмылаок пиш выченӓм,

Ашкед миэн вадеш тӹдӹн док.


Сусу линӓм - олман цӹре сӹлнӹ,

Олмыктара садым йӹрӹм-вӓш.

Тӹдӹм анжен пуше веле тӹлнем,

Вим пуэнӓм, толын садыш цӓш.


Ой, кыцелӓ олмавужы тырха?

Ійӹнӓлтӹн вӹдвӓрӓлӓ укш.

Олмам качкам, кӓпӹш сила пыра...

Тӹштӹ эче малын шӹнзӓ шукш?


Кырык сирӹн олма - ире, тотлы,

Седӹндон яратат тӹдӹм пиш.

Лач магнитлӓ шыпшеш, нӓлӓш толыт...

Пелед шалгы садна и гӹц иш!


Иктӹ пиш якшаргы, весӹ сары,

Олма ара, вуйта кырыкок.

Лӹмлештӓрӓ олма Кырык марым...

Олмавувлӓм ушем, шӹндем со.