Цевер, цевер, аяран шӹжемжӹ

Григорьев Вячеслав

Цевер, цевер, аяран шӹжемжӹ
Цевер, цевер, аяран шӹжемжӹ.
Ӓнят, тидӹ остатка мыремжӹ? –
Вет мычашдымы уке нимат,
Кӹрӹлт кердеш цӹлт ташкым корнат.
Вет мычашдымы уке нимат –
Ӱкшен кердеш кымылан йӓнгемжӹ.
Цевер, цевер аяран шӹжемжӹ!
А яратымаш ак керд пӹслӓнен,
Курым мычкеш ик гӓнӓ ӹлянен,
Лач мӱлӓндӹм ӹрӹктӹш кечок,
Йӧрен кеш гӹньӹ самынь трӱкок? –
Лач мӱлӓндӹм семӓлӹш кечок,-
Сотыгечӹжӹ пӹтӓ мӓлӓннӓ,
Но яратымаш ак керд пӹслӓнен!
Эче онгышты шиэш гӹнь шӱм,
Тӱӓн кода яратымаш кӱм?