Халон æмæ цæргæс (Гæдиаты)

by Гæдиаты Секъа

Халон æмæ цæргæс  (1912)  by Гæдиаты Секъа

Фыст датæ: 1912, Рауагъ аз: 1912. Равзæрæн: Гæдиаты Секъа. Уацмыстæ. Дзæуджыхъæу : Ир, 1991

ХАЛОН ÆМÆ ЦÆРГÆС

Халон загъта цæргæсæн:
— Цæй, иумæ хæтæм,
Холытæ бирæ ис хъæугæрон, —
Иумæ сæ хæрæм.
—Гъей!—загъта цæргæс халонæн,-
Æз хæдмæлхор нæ дæн;
Æз мæхæдæг кæй не 'рцахсон,
Уый хæрæн мын нæй.
Цу, дæхæдæг, хæдмæлтæ хæр,
Мæн ма мар хъæрæй!

 * * *
Дæхæдæг кагй нæ бакусай,
Уый хæрын æфсæрмы кæн.
Худинаг у искæй фæллой
Хæрын лабгæн.

---