Хĕрлĕ салтак юрри
Jump to navigation
Jump to search
| Хĕрлĕ салтак юрри (1919) by |
| Хайланă дата: 1919, Пичетленĕ çул: 1919. Çăлкуç: chuvash.org |
Каçар, юратнă тусăм,
Эсĕ маншăн ан хуйхăр.
Куççуль тăкма халь, чунăм,
Вăхăт та çук... Ан макăр.
Сăмах панăччĕ пĕрре
Сана кăна юратма,
Сăмах парап халь тепре
Тăшмансене ваклама.
Мĕскĕн куçпа ăсатан...
Тетĕн: эпĕ килеймĕп.
Юлташсемпе юнашар
Вилме сăмах паратăп.
Тетĕн кайран: эс, тусăм,
Манăн шăтăка тупăн,
Ун чух мана асăнăн,
Чечексем пырса хурăн...
Сыв пул ĕнтĕ, чун савни,
Маншăн ан пĕт хуйхăпа.
Тетен килĕп, пĕлместĕп...
Чуптуса юл пур вăйпа!
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse