Фронтысь салам (Кедров)

From Wikisource
Jump to navigation Jump to search
Фронтысь салам
Автор: Филипп Григорьевич Кедров
Кылдытон дыр: 1943. Источник: Кедров Ф. Г. Катя: Кылбуръёс но повесть / Дасяз но азькыл гожтӥз А. А. Ермолаев. — Ижевск: Удмуртия, 1989. — С. 45. — 112 с. — («Школьная библиотека»).

Фронтысь салам


Ӟеч-а, Удмуртия?
Выль ар нунал тыныд
Ыстӥськомы салам —
Вордэм нылпиосыд.

Самой ӟырдыт салам —
Воин салам фронтысь,
Сюлэммы кадь ӟырдыт
Салам лек тыл ожысь.

Ӟеч малпанъёс пумтэм
Герӟаськемын тонэн.
Ваньмыз тодэ лыктэ,
Вордскем шаер, туннэ.

Жингрес гужем тусъем
Кырӟась чебер улон
Милям сюлмын улэ
Ишкалтонтэм кужмо.

Эгыр кадь сюлэмъёс —
Как пыдо сьӧсьёс сое
Быдтыны, сантэманы
Ӝутӥзы виресь кизэс.

Оскы, вордскем шаер,
Оскы, удмурт калык,
Ас будэтэм, вордэм
Герой нылпиедлы.

Родинамес быдэс
Мозмытомы сьӧсьлэсь.
Шудо улон сюрес
Мозмоз секытъёслэсь.


Действующей армия, 1943


Public domain
This work is in the public domain in countries where the copyright term is the author's life plus 70 years or less. See Copyright.