У ӹдӹрӓмӓш мыры
Jump to navigation
Jump to search
Першуткин Петр Григорьевич
Мӹньӹ шукы лыдынам –
Манмы йöн дон шаналтен!
Культурдымы ылшылан
Кидым веле шалалтем.
Мӹнь, солаштыш пеледӹш,
У пӓшӓэш пеледӓм.
Мошты семеш пелештен,
Ат мошты гӹнь, перегӓл!
Мӹнь ылам ударница,
Мӹньӹм мошты яратен!
Кӱ пӓшӓштӹ анзылны,
Тӹдӹм веле яратем.
Хоть пӓшӓштӹ, танцышты
Мӹньӹм мошты ӹвӹртен!
Вара лиӓм шанымет –
Яратымы ӹдӹрет.