Уыг æмæ халон (Гæдиаты)

by Гæдиаты Секъа

УЫГ ÆМÆ ХАЛОН

Уыг рагон бæласæй
Халонмæ дзырдта
Къæмдзæстыг ныхасæй; —
Йæ зылын зыдта:

—Мæргътæ мыл æмвæнд
Ыскодтой фарон,
Ме 'фхæрд у æгъгъæд,
Зæсъын дын, халон.

Бон мæ нæ уадзынц
Æддæмæ кæсын,
Мæ сæр мын ныффадынц,
Састæй йæ хæссын.

Ысдзырдта йæм халон:
— Кодтай уæрирæ,
Ды мæргътæй хъалон
Фæистай бирæ.

Ныр дæр ма давыс
Æхсæв кæрчытæ,
Фыдæбонæй марыс
Зæххыл цæрджыты.

Дæ зæрдæ уыд сындзау,
Дæ хъуын та — фæлмæн:
Ныр уым ды, чындзау,
Æндад лæу, дæрмæн!..

---