Удмурт поэтэ. Тон удмурт калыклэн
Выль кидыс кизисез.
Кизиськод тон чебер кылбуръёс дугдылытэк,
Кизиськод дугдылытэк, ӵыдэтскытэк.
Ӧжыт улыса учкы аслэсьтыд котырдэ,
Эскеры кизем кылбурдэ:
Ӝужаз-а ини кизем кидысэд?
Ӝутскиз-а ини музъеме пазям тысед?
Ӵуж-ӵуж борддор кадь бусыосы
Паймоно кадь чебер ӝутскиз-а ини?
Ӝутскыса изись гуртъёсыз
Куашетэменыз сайкатӥз-а ини?
Удмурт поэтэ. Тон удмурт калыклэн
Вордэм, утялтэм сяськаез!
Солэн гуртъёсаз тон чылкак огнад сяськаяськид,
Чылкак огнад соослэсь котырзэс шулдыртӥд.
Быдты кизьыса аслэсьтыд кидыстэ —
Собере шуя, быр тӧлъя но буръя лобӟыса,
Тон интые потозы выль, чебер сяськаос —
Выль поэтъёс.