Удмурт гимн (Герд)

From Wikisource
Jump to navigation Jump to search
Удмурт гимн
Автор: Кузебай Герд
Источник: Куӟебай Герд. Зарни кылчуръёсы. — Ижевск: Удмуртия, 1997. — Б. 117.


Удмурт гимн


Тазалыко мед луоз Республикамы,
Туж ӟеч мед улоз яратон музъеммы!

Тэльёс, паськыт бусыос эрказ луизы,
Чебер шунды ӝужаз — калыкъёс султӥзы.

Тазалыко мед луоз Республикамы,
Туж ӟеч мед улоз яратон музъеммы!

Эй, султэ чаляк, удмуртъёс, вырӟе, эн изе!
Кутске ваньды ужаны, ужан дыр вуэ.

Асьмелэн азьлапаламы паськыт сюресъёс,
Паськыт сюресъёс, чебересь нуналъёс!..

Туж бадӟым тау каре эрказ луэммылы,
Уйшор ортчемлы, шунды ӝужамлы!

Тазалыко мед луоз асьмелэн ужъёсмы,
Туж ӟеч мед улоз Республикамы!