Кема ӝобаз куазь удмуртлы,
Сэзь нуналъёс туж шер вал.
Та дырозь куанер калыклы
Улон иньты ӟоскыт вал.
Ӟучен бигер пыдултыса,
Удмуртъёсыз возильлям,
Пеньмыт азьын возьыса,
Пудо ӵотын лыдӟильлям.
Вытзэ огкадь октӥльлям
Удмуртлэсь но кулэзэ,
Салдатэ но нулдӥльлям
Арлы быдэ унозэ.
Дышетӥськон нош выт уксёен,
Купечъёслы лэсьтӥльлям,
Больницайын азьло арын,
Баез гинэ эмъяльлям.
Ожмаськонлэн уродэз
Вунэтонтэм тырос вал.
Ниль ар ӵоже жугиськонэз,
Туж шурдыт но, секыт вал.
Ожмаськон нош эй ке лусал,
Революца но уг пот вал,
Революца нош эй ке лусал,
Эркын улон кытын вал?
Большевикъёс йыр луизы,
Шунды ӝужа удмуртлы.
Кык семинария сётӥзы,
Со туж яра асьмелы.
