Тeтявлӓ мадыт кырык вӹлнӹ

Канюшков Аркадий Максимович

ТEТЯВЛӓ МАДЫТ КЫРЫК ВӹЛНӹ

Нeркӓштӹ шылeн пӹтeн кӹлмӹ,
Парлана, кошка луды рок.
Тeтявлӓ мадыт кырык вӹлнӹ
Изинӓ годшы сeмӹньок.

Сeвӓлӹт топым дӓ кыргыжыт, -
Кыргыжшын тупышкыжы чуч!
Вӹкӹштӹ анжeм мӹнь тыргыжын,
Кого эдeмлӓ амат чуч.

Хоть жeпӹн эртӹмӹжӹм шижӓм,
Но ужам омынышты лач:
Топ мӓмнӓн ыльы ышкал мижӹн,
А ӹндeн лин рeзинӹн мӓч.

Иктӓт уж ак кай йыдал ялан,
Роалтыш мӹнeр ялашат.
Косир выргeмӓн кого халан
Цӹрeжӹ толын солашкат.

Ыжарга нeркӓ, угӹц кӹлмӓ,
Лым вазeш, шыла эчeӓт...
Хоть ам ли мӹнь мӱлӓндӹ вӹлнӹ,
Тeтявлӓ мадыт тӹнӓмӓт.
1969