Тӧдьы кызьпу (Ильин)

Тӧдьы кызьпу Автор: Яков Ильич Ильин

Источник: Удморт кылбуръёс. Сборник вотских стихотворений на Глазовском наречии. — Вятка: Вятский губернский отдел народного образования, 1919. — С. 32.• Кырӟанлэн текстэз туала орфографи нормая тупатэмын.

Тӧдьы кызьпу

Тӧдьы чебер кызьпуэд, кызьпуэд,
Сылэ ук гуртлэн шораз ик, шораз ик;
Со куареныз ӵашетэ, ӵашетэ,
Векчи йылзэ куасалля, куасалля,
Вож гурыеныз данъяське, ушъяське.

Оёй, оёй, дыдыке,
Лыз бугор нуные,
Лыз бурдо мусое:
Кытчы мынскод тон, дыдык,
Кытчы лобыса кошкиськод?
Мон яратонэ доры,
Мон мусое доры:
Со чебер ваньмызлэсь,
Ваньмызлэсь со мусо;
Со мынам яратонэ,
Сюлмысьтым чупкаро.

---