Тӧдьы кызьпу вож куаро но

Тӧдьы кызьпу вож куаро но… Калык кырӟан

Источник: Кенеш : журнал. — 2014. — № 5—6. — 7-тӥ бам.

Тӧдьы кызьпу вож куаро но…

Тӧдьы кызьпу вож куаро но,
Малы меда гурыё?
Мынам йыры туж пинал но,
Малы меда кайгуо?

Возь выл сяська туж чебер но,
Марлы меда турнало?
Мусо туган туж мусо но,
Малы меда люкыло?

Ӵукна усем, ой, лысвуэз
Ӵукна пельтӥсь тӧл куасьтоз.
Ӝоже кылем, ой, нылмуртлэсь
Синкылизэ кин ӵушоз?

Узы меда, боры меда,
Кудзы азьло кисьмало?
Анай меда, атай меда,
Кудзы шудтэм вордыло?

---