Кытын бон тон, анае?
Мар ужаськод, атае?
Ми ветлӥськом кыдёкын,
Жугиськиськом гордъёсын.
Атай юртысь мон потӥ,
Дышетӥськыса мон ветлӥ.
Офицере потэм вал,
Подпоручик луэм вал.
Окты-калты, албасты —
Одӥг кияз горд басма,
Мынэсьтым кыскиз погонме,
Кушты, шуиз, шинельме.
Ӧжыт гинэ улыса,
Бертӥ мон кайгырыса,
Асьме гуртэз адӟыны,
Удмурт аракыез юыны.
Ваньмыз вань асьмелэн:
Кӧтсы нӧзь калыклэн.
Пуке али вить кабан,
Тросаз ук кык амбар.
Тулыс быриз, гужем вуиз,
Асьме доры горд лыктӥз.
«Буржуй» шуиз со тонэ,
Окты-калты сатана.
Гужем быриз, сӥзьыл вуиз,
Асьме доры тӧдьыос лыктӥзы.
Эй, Инмаре, Инмаре!
Кызьы вуид, туганэ?
Погон вури, пыӵал кутӥ,
Дас муртэ тырмие пуктӥ.
Кемалась озьы кулэ соослы,
Дан мед сётозы милемлы.
Озьы, тазьы тыршыса,
Кык-куинь арня улыса,
Ми кошкимы Кам кузя,
Татчы пыриз горд кузё.
Чиге ук, чиге сюлмыкае,
Туж тӥледыз буре вае.
Гордъёс милемыз уллязы,
Кызьы ке но соос вормозы.
Кытын бон тон, анае?
Мар ужаськод, атае?
Ми ветлӥськом кыдёкын,
Жугиськиськом гордъёсын.
