Тӧвся турӧб войӧ
Тӧвся турӧб войӧ (1921) , translated by Тима Вень |
Оригинал кыв: Роч, Оригинал ним: Зимний вечер. Гижан кад: 1921, Йӧзӧдан во: 1921. Ӧшмӧс: Вой тӧв шувгӧм. Сыктывкар, 1921. Лб. 1-6. |
Пемыд... Кӧдзыд... Лымйӧн тыртӧ —
Ывла вылын ыджыд тӧв.
Лымсӧ посводзьясӧ пыртӧ.
Помся камгӧ ӧдзӧс пӧв.
Оз и лӧньлы, тӧв пыр ӧддзӧ:
Керка вылысь нетшкӧ тьӧс;
Лымсӧ гартӧ, нуӧ водзӧ,
Кисьтіс, кылӧ, чипас пес.
Пукалам ми пӧчкӧд кыкӧн
Паччӧр вылын шы ни тӧв.
Гӧгӧр ывла тыри зыкӧн:
Ёна шутьлялӧ вой тӧв.
Пӧчӧ печкӧ... Чӧрсыс швыргӧ.
Ме сэн вӧча сюмӧд доз.
Керка вылын жбырган шаргӧ,
Карта сайын шувгӧ коз.
Пӧчӧс тӧлыд сьылӧм шыӧ
Регыд босьтас вугыр-дзӧр,
Коркӧ, недыр овмысьт, кылӧ
Торскас-усьӧ кисьыс чӧрс...
Сэсся, пӧчӧ ланьтӧм бӧрын,
Кутас кажитчыны мем:
Быттьӧ кылӧ сьылӧм, бӧрдӧм,
Быттьӧ кодкӧ нявзӧ сэн...
Син оз куньсьы. Дыр ме ола.
— Оз нин кольлы тайӧ вой!
Мем зэв гажтӧм... Ме зэв пола...
— Пӧчӧ, шебрӧд менӧ вай!
This is a translation and has a separate copyright status from the original text. The license for the translation applies to this edition only. | |||||
Original: |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse | ||||
Translation: |
|