Тәүге тапҡыр(шиғыр). Сафуан Әлибай

Тәүге тапҡыр (Шиғыр )
автор С.Әлибай

Ижад итеү ваҡыты: билдәһеҙ. Нәшер ителгән: 1996 йыл. Сығанаҡ: "Уҡыу китабы" - 1 синыф өсөн дәреслек/Өфө"Китап",1996 йыл

Тәүге тапҡыр

Беҙ мәктәпкә тәүге тапҡыр
Килеүселәр, килеүселәр;
«Әлифба»ның серҙәренә
Инеүселәр, инеүселәр.
Дәфтәрҙәргә тәүге хәреф
Теҙеүселәр, теҙеүселәр;
Аҡ ҡағыҙға матур өйҙәр
Төҙөүселәр, төҙөүселәр.
Беҙ йырларға, бейергә лә
Белеүселәр, белеүселәр;
һәр эштә беҙ буласаҡбыҙ
Беренселәр, беренселәр!

1996 йыл