Тядясь (1933)/15
Колхозонь эряф, 9 № Май ков 1933 киза:
[ 19 ]
| М. Горький.
|
| ТЯДЯСЬ |
| „Мать“ романць (Ушотксоц ингольдень номерга) |
| Мокшокс йотафтозе И. Г. Черапкинць. |
XV
Рабочахне сразу приметазь од торговкать. Финцне, малазонза нажедемок, мялень петезь корхтасть:
— Тевс кярьмодеть, Ниловна?
А лиятня корхтасть, што Паволонь курок нолдасазь тюрьмаста, конат колселезь седиенц лажнамаснон мархта конат сюцезь кяжиста деректорть, жандрматнень, а сонь мяшцтонза корязост арьсема лисель. Ульсть ломатть, конат кяженьардазь ванцть лангонзонза, а Исай Горбов табельщиксь пееньбачк мярььксь:
— Кда мон улелень губернатор, мон бы тонь цьорацень — пондалине! Тяйть смутне ломатьтнень.
Ня кяжень арьсемань валда тядять ланкс якшамкс уфась. Сон мезевок эзь отвеча Исаеньди, аньцек варжаксць сонь йолмане, пзгонался вельтяф шаманц ланкс, ды, куфкстозьк, нолдазень алу сельмонзон.
Фабрикаса покой ашель, рабочахне марня пуромкшнесть, мезе бди салаване эсь йотковаст корхнесть, везде якафцть заботендазь ащи мастярхне, иляста марявсть, сюцемат—сялондомат кяжень бачк пеедёма.
Кафта полицейскахть йотафтозь ваксканза Самойловонь; сон мольсь, фкя кяденц тонгозе карманозонза, а омбоцеть, мархта судерязень эсь рыжай шеерянзон.
Сонь прважазе, сядошка ломань, рабочаень толпась, конань эзда полицейскахнень мелге марявсть сюцемат, пеетькшнемат...
— Шарондома туть, Гриша! — пшякяць кати—кие.
— Почет минь ялганеконьди! — мярьксь мельганза лиясь. — Ваны мархта якатама...
Ды кемоста соць.
— Воронь кунцемась, ванцак, пользафтомкс арась! — кяжиста ды оцю вайгяльхть корхтась фкя сельме и сери рабочай. — Кармасть честнай ломатть кунцеме...
— Хоть ба веть сявоньделезь! — пяшкоць мельганза кие—бди толпаста. — А то шить визксснон юмавтозь, сволочть!
Полицейскахне мольсть прянь нолдазь, эрязта, старандасть, штоба мезевок аф няемс ды пта, афолезь маря пяшкоткшнематнень, конань мархта синь прважакшнезь. Колма рабочахть каршезост канцть кшнинь оцю полоса ды, синь лангозост пенц водямок, пяшкоткшнесть:
— Ванода пря, калонь кундахть!
Власовань вакска йотамста, Самойлов, пеетькстазь, сюкняфтозе теенза прянц ды мярьксь:
— Сявомазь!
[ 20 ]Тядясь, апак каштортт, сюконясь теенза, сонь седиенц пек петьнезь не чеснай, кетав од ломатьтне, конат тушекшнесть тюрьмав пеедезь; мяшцонза кенсезь тядянь седиса кельгомасна ня од ломатьнень.
Фабрикаста самок, марнек шить сон йтафтозе Марьянь ширеса, лезць сонь работамасонза, а сияк кулхцонкшнезе авать шотнаманц, а поздна илять сась эсь кудозонза, конац шаволь, кельмоль и афоль са эсонза ащемаце. Тядясь ламос якафць ужеда ужес, ашезь мушенда зсьтиенза васта, ашазе сода, месть тиеньдемс. Ды сявозя седи ризф, што вага сашенды — ни весь, а Егор Иванович аф канцынь нинге литературать, кодане ворхнесь.
Вальмять ушширеса нафтолцть стака, сьоксень ловонь уле пакшт. Ляпста синь педенцть кляньцекненди, ды апак каштортт валазяста шащцть алу и солсест, а мельгасть кадондовсь начка кинят. Тядясь думандась цьоранц колга.
Кенкшть сетьмоняста тостятезь, тядясь эрязста ласьксь, валхтозе крючокть, — сувась Сашенька. Дядясь кунара сон изизе няй, и тяни, мезе васенда киге повсь сельмозонза, стирьть пяк оцю пекоц.
— Шумбра! — мярьксь тядясь, кенярьць, што сась ломань, и веть афламонц сон йотафцы аф ськамонза... — Кунара ашеть няенькшнев. Тушендоть козонга?
— Аш, мон тюрьмаса ащень! — отвечась стирьсь, пеетькстазь. — Николай Иванович мархта ащень, — меляфцак сонь?
— Кода аф меляфтомс! — пшкяць тядясь. — Тейне исяк Егор Иванович азондозе, што сонь нолдазь, а тонь кувалмат мон мезевок изинь маря... Кивок ашезе аз, што тон тосат...
— Да мезе сень ланга корхтамс?.. Дайне, — мзярс из са Егор Иванович, — одукс щамс—карямс эряви! — пщкяць стирьсь а соньць фширьгя ванонды.
— Начкоть марнек тон...
— Мон книшкат ды листовкат кандонь...
— Давай, давай! — кармась эряскофтома тядясь. Стирьсь курокста панжезень пальта полонзон, шукадезень, ды соньцтонза, пта лопат шуфта пряста, кашмордозь пяярьсть кияксти кагодонь соткст. Тядясь пеетькшнезь кочкась эсост киякста ды корхтась:
— А мон ванак, оцю пекця, арьсень урьвакс туть, ды ни идь учант. Ой—ой, мзяра кандоть! Неужели ялга сать?
— Да! — пшкяць Сашенька. Сон тяни меки арась шуване и виде понда ломанкс, кодамоль инголинге. Тядясь няезе, што стирьнять шчока пакаренза лиссть сельмонза оцюлгоцть, а синь алост таргавсть равжа пятнат.
— Тяни аньцек нолдадязь, теть ваймамаль, а тона! — прянь шуказь и куфкснезь мярьксь тядясь.
— Эряви! — пшкяць стирьнясь, соньць трнатозевсь. — Азка тейне, кода Павол Михалоч, лац ащи, шумбра?.. Аф пяк эвотькшнесь?..
Кизефнемста, Сашенька изь ван тядять ланкс; комафтозе прянц ды петьнезень щяярензон, и трнацть соньцень суронза.
— Ничево! — отвечась тядясь. — Д вдь сон пря афняфти.
— Кода сонь шумбра шиц, вдь лац ащи? — Сетьмоняста кизефць стирьнясь.
— Мзьрдонга, изь серядтькше! — отвечась тядясь. — Трнатат тон марнек. Вага мон тонь чайда симтьтя, инезиень варенья мархта.
— Се паро улель. Аньцек эряви—ли теть беспокоендамс? Поздна—ни, Дай-ка, мон моньць...
— Сизефста! — пеняцязь каршезонза корхтась тядясь, а соньць кармась самаварть перьф возяма. Саша тожи лиссь кухняв, озась тоса эзем ланкс ды, кядензон сялдаззонза путомок, корхтазевсь:
— Все тьки, — тюрьмась вийцень сявсы. Проклятайсь, тевфтеме ащемась! Мезевок сяда муцяй аш. Содасак, конашкава лама тевде, и — ащят клеткаса, кода зверь...
— Кие тинь нень инкс казеньтядязь? — кизефтезе тядясь. Ды, куфкстомда меле, отвечась эсьтиенза:
— Кивок, шкабовозда башка, аф панцы пароньтень. А тон, поди, тожи афи верондат теенза?
— Аф! — прянь сюкняфтом йоткть отвечась стирьнясь.
Колхозонь эряф, 10 № май ков 1933-це киза:
[ 20 ]— А мон, вага, аф верондатядязь. — вдруг виде мяльса, мярьксь тядясь. Ды эрязта фартукозонза кядензон нарнем йоткть, седи ваксонь валса лездозе корхтаманц:
— Тинь тиньць аф шарьхкоцасть эсь вераньтень! Кода шкаеньди апак верондак тяфтама стака эрямась кирьдемс?
— Тяк панчсе кенькшть! Кда нят синь, жандарматне, тон монь аф содасамак... Мон — эльбядень кутта, сувань ширезт апак содак, йожене машцть ды прань, тон каяфтыть монь одежанень, муйть книганень, шарьхкодеть?
— Идьнязят, мезеньди нянь! — колаф седиса мярьксь тядясь.
— Норака! — кулхцондомак, мярьксь Сашенька.
— Тя, никак, Егор...
Ся сон ульсь, налка потмоса, висца ваймонц тарксезе сиземати.— Ага! Самоварня? — пяшкоць сон. — Тя сембодонга цебярь эрямасонок, тядясь! Тон, тясат ни, Сашенька?
— Вага, тядясь, начальстваньди аф тюштени стирьсь! Сонь ванцак, седиенц кярозе тюрьмань смотрительсь, а сон теенза аззе, што вачеда кулы, анафтеряй прощеньгя соньцтонза начальниксь ды кафкса шить изь ярхца сянь кувалма чуть ашезень венептя пильгонянзон. Аф кальдяв! А пекозе монь кодама?
Корхтамбачк и сияк нюрьхкене кядензон мархта афлац нюрьги пеконц кирьдемста, сон йотась комнатав, пякстазе мельганза кенькшть, тосонга знай кати мезе корхтась.
— Ниушто кафкса шить изеть ярхцсе тон? — дивандазь кизефтезе стирьнять тядясь.
— Стане эрявсь, штоба сон аналь прощеньгя! — отвечась стирьнясь, а соньць палфста кепсезень лафтувонзон. Сонь спокойнайста корхтамац ды упрям шиц кода пта каринадамакс арась тядять седиса.
— Вона кода!.. — эсь потмованза арьсесь тядясь ды тага кизефтезе:
— А кда кулолеть?
— Мезе ина тият! — Салаване пщкяць стирьнясь. — Сон всетаки анась прощеньгя. Ломаньти аф эрявихть стак кадондомс обидатне.
— Да а... — валомне пщкяць каршезонза тядясь. — А вага минь дуганеконь марнек эрямаса обижакшнесазь...
— Мон шукадине! — аззе Егор, кенкщть панжемок. — Самоварнясь анок? Дайте, мон сонь канцан...
— Мон эсь алязе симоньдель шити аф комсь стаканда кржа чай, сяс и эрясь те масторса апак сярятькшнек и мирнайста сизьгемон колмува киза. Пондоц утяль кафкса путт, а ульсь сон Воскресенскай велеса дьячекокс...
— Тон, отец Иванонь цьорацат? — пяшкоць тядясь.
— Самай сон! А коста теть ся содаф?
— Да мон моньц Воскресенекай веленньян!..
— Эсь—веле эряят? Киньнят тоста?
— Шабраньтян! Сергеефненнян.
— Храмой Нилть стирецат? Сон ломаньць тейне содаф, сяс мес аф весть пиле шнанень тарксезень...
Синь ащесть фкяфкянь каршек ды, пеетькшнезь, фкяфкянь кизефнесть. Сашенька пеедезь ванць лангозост ды кармась чаень аноклама. Посудань канзерфсь тядять мяльс лятьфтазень тевонзон.
[ 21 ]— Вай, простиндамасть, корхтазевонь! Пяк пара ни эсь велень ломанень няемась...
— Тя, тейне анан прощиньгя сянкса, мес тяса азорондан. Но моли—ни кефкиеце часць, а тейне ичкози молемась...
— Коза молема? Ошу? — дивандазь кизефтезе тядясь.
— Да.
— Месть зря? Шобда, начка, — сизеть тон! Удок тязк! Егор Иваноч кухняв мады, а минь тонь мархтот тяза...
— Аф, тейне эряви тумс! — стак корхтазь пшкяць стирьнясь.
— Да, землячка, эряви штоба бары шнясь юмаль. Сонь тяса содасазь. И кда ванды сон няфти пря ульцяса, ся афпара ули! — мярьксь Егор.
— Кода—ина сон? Ськамонза туй?..
— Туй! — мярьксь Егор, мзелдозь
Стирьнясь каясь эсьтиенза чай, сявсь розь кши печфке, салыяфтозе, ды кармась ярхцама, сонць думандазь ванць тядять ланкс.
— Кода стане якафттада? Тонга, Наташавок? Мон афолень моль, — пелькс! — мярьксь Власова.
— Да сонга пели! — приметазе Егор, — Пелят тон, Саша?
— Сияк содаф! — отвечась стирьнясь.
Тядясь варжаксць стирьнять ланкс, Егор ланкс ды потмораста пешкоць:
— Кодаптада тинь... строгахтяда!
Чайда симомда меле, Сашенька апак корхтак пращась Егор мархта, лиссь кухняв, а тядясь, прважакшнемстонза, лиссь мельганза. Кухняса Сашенька пшкяць:
— Няйсак, Павол Михайловичень — аст теенза моньцтонь поклон! Пожалоста!
А коста кярьмоць—ни кенкш кундамати, вдрук меки варжаксць, салаване кизефгезе:
— Паламс можнат тон?
Тядясь апак корхтак кельгозе стирьнять ды танга палазе.
— Спасиба! — сетьмоняста пшкяць стирьнясь ды; сукьнямок, тусь.
Комнатав меки сувамда меле тядясь пелезь варжаксць вальмава. Шобда ушось стакаста пяярьсть ловонь начка пакшне.
— А Прозорофнень изить юкста? — кизефтезе Егор.
Сон ащесь озада, келептезень пильгонзон, ды марямга уфась чай стаканть ланкс. Шамац якстерель, ливозю довольнай,
— Содасайне, содасайне! — думандазь мярьксь тядясь а сонць боком вельде мольсь шрать ваксс. Озась ды, Егоронь ланкс лажнань сельмоть ванозь, аф эрязстса корхтазевсь:
— Ай—ай—ай! Сашенькась! Кода сон пачкоди?
— Сизи! — согласиндась Егор — Тюрьмась сонь пек осалгафтозе. Инголи стирьсь сяда шумбраль... Сяконьди сон тага анеляфста кассь.. Никак — сярятькшнихть—ни тевлавонза...
— Кие сон стамсь? — сетьмоста кизефць тядясь.
— Помещиконь стирь. Аляц — оцю прохвост, кода сонць стирьсь азонкшнесы. Теть, тядясь, содаф-ли, што синь мяльсна урьвакстомс?
— Кинь?
— Сонь ды Паволонь. Но — вага, сембе аф лисенди тевсь, цьорась воляса стирьсь тюрьмаса или меколанкт!
— Мон сянь изине сода! — Аф ламос ащемок отвечась тядясь. — Паша эсь кувалманза мезевок аф азонкшни...
Тяда меле теенза сядонга ужелькс арась стирсь, ды, афшарьхкодеви кяжень пачк инжинть ланкс варжакстомок сон корхтазевсь;
— Теть сон прважамаль!..
— Аш кода! — спокойна отвечась Егор. — Тяса монь пара тевозе, и тейне ванды шобдаваста сявомок иляц сави якафтомс, якама якама. Тевсь аф пек кельговикс, монь отдышказень мархта.
— Пара сон стирьнясь, — сонць корхтазевсь тядясь, сянь ланга мезе азсь Егор, арсембачк. Теенза обидналь, мес тянь марязе аф цьорастонза, а чужой ломаньцта, и сон крмоштазень трванзон тангкоцта, алу нолдазень сельме кунонзон.
— Пек пара стирсь! — пяшкоць Егор. — Няйса мон — теть сон ужяль. Напрасна Аф саты тонь седице, карманьдерят сембонь минь бунтовщикнень, ужяльчнемонок. Виденц азомс, сембонь эряфсна аф шнави. Вага афкунара сась ссылкаста монь ялгазе. Коста сон йотась Нижнайть пачка — авац ды идьняц учендозь Смоленскайса, а коста сон мольсь Смоленскаи — синь пекстафтольхть — ни москувонь тюрьмав. Тяни авать мялец Сибири молемс. Монь тожа ульсь авазе, пяк пароль ломанць, вете кизонь тяфтама эрямась сонь сувафтозе калмос...
[ 22 ]Сон сразу симозе марнек стакан чайть ды сияк азонкшесь Лувондозень кизотьнень, кофнень мзярда тюрьмаса ащекшнесь, ссылкаса уленць, азонць лама беда ланга, кода тюрьмаса пикссезь, кода вачеда эрясть Сибирьса. Тядясь ванць лангозонза, кулхцондозе и дивандась, конашкава простойста сон азондозе се эрямать, конац пяшксе муцямада, и мельгя ванондомада, ломань ланкса пеетькшнемада...
— Но — корхтатама тевть ланга!
Вяйгалец Егоронь покафц, шамац озергоць. Сон кармась кизефнемонза тядять, кода мялец сонь йотафтомс фабрикав книшкатнень, а тядясь дивандась сянь ланкс, коста сон содасыне тевть сембе вастонзон.
Тевонь ланга корхтамать аделамда меле, синь тага кармасть лятфнемонза эсь родной велеснон; Егор шутендазь корхтась, а тядясь думандазь арьсекшнезе эсь тнярстонь эряманц, и неявсь теенза ся эрямась, кода—бди стама полотань пяли похожайста, конань ланга пта йоряфт сильди марнят, эзганза касихть, пелезь трнаты поюфт, алняня кузнят ды сильди марнятнень йоткова эрготьф, акша келунят. Келунятне кассть валомня ды, ветешка киза наксада. Кельме модаса касомада меле, прахть ды наксадыхть. Ванць пта, сон ся картинать ланкс ды мезе—бди пяк ужялькс арсесь теенза. Инголенза ащесь од стирьнянь понда, упрямай шама мархта. Сон тяни мольсь начка ловонь пакшнень йоткова, ськамонза, сизефста. А цьорац ащи тюрьмаса. Можеть, сон нинге аф уды, думандай... Но думандай аф сонь, тядянц кувалма — сонь ули сяда седи ваксстонь эсь ломанец. Сьормав, тапаряф тучакс эцесть лангозонза стака арьсемат ды кемоста кунцезь седиенц...
— Сизеть тон, тядясь! Вень удомс пинге-ни! — пеетькстазь мярьксь Егор.
Тядясь пращась мархтонза ды боком, пта пелезь тусь кухняв, седисонза канць, шапамкс пори, мялень колай арьсема.
Шобдава, чайда симма йоткть, Егор кизефтезе тядять:
— Кда тонь кундатядязь — кизефттядязь, коста тон сявить ня еретиконь книшкатнень — мезе эста азат?
— Аф тонь тевсь, азса! — отвечась тядясь.
— Синь сянь мархта мезьденьге аф согласиндахть! — отвечась Егор, — Синь пяк надияхть, што ся тевсь — самай синь тевсна! Ды кармахть кизефнемот виде мяльсь, ламос!
— А мон аф азса!
— А тонь тюрьмась сянкса!
— Ну, мезе—ина? слава богу — хоть сяньди яраштан! — мярьксь сон кувкстом йоткть — Киньдинге аф. А муцяма аф кармахть, мярьгихть..,
Миназевсь Егор, соньць виде мяльс варжаксць тядять ланкс. — Муцяма аф кармхть. Но пара ломанць должен эсь прянц ванфтомс...
— Тиньцтонт сянди аф тонадат! — пеедезь мярьксь тядясь.
— Стака теть, землячка! Шарьхкотькшнесан мон — пяк стака теть.
— Сембоньди стака! — кядень яфодезь мярьксь сон. — Можеть аньцек няньди, конат шарьхкодихть, теест — сяда тьождяне... Но монга афламда шарьхкодян, мезе мяльсна пара ломатьнень...
— А коли тянь тон, тядясь, шархкоцак, значит, сембонди теест тон эряват! — серьезнайста мярьксь Егор.
Тядясь варжаксць сонь лангозонза ды апак корхтак пеетькець.
Обетшкада тядясь спокойнайста и тевонь содазь маразень мяштенц перьф книшкат ды тиезе сянь сяшкава лац и удобнайста, што Егор кенярьдезь лкштадезе кяленц, мярьксь:
— Зер гут! пек пара, кода мярьгонди пара немецсь, ведра пивань симомок. Тонь, тядясь, литературась изиньзе полафта: тон няеват станяк паронь арьси, эряф ломанькс, эчкат, серият. Белаоазась тонь ушеткс тевцень нефтеме шкайхне!.
Колхозонь эряф, 11 № июнь ков 1933-це киза:
[ 13 ]Пяле частшкада меле, сталмоть мархта комафтозь, спокойнаста и надиязь, тядясь ащесь фабрикань ортатнень инголе. Кафта сторошт, конань сафнезь кяжснон лангозост рабочаень пеетькшнематне, тозьморязь-нозьморязь щупось сембонь двору сувахнень, а сияк сялонцть мархтост. Фширеса ащесь полицейскай ды шуване пильге, якстерь шама, оржа селме ломань. Тядяс, крьхцятьнень лафтуда лафтус шашфнем йоткть, сельмалга ванць мельганза, шарьхкотькшнезе, што тя шпион.
Сери, кудряв пря цьора, вазьса, конань сон шовонезонза щафтозе, пяшкоткшнесь сторошненди, конат вешенцть перьфканза;
— Тинь, шайтатт, пряста вешондеде, аф карманга!..
— Тонь прасот, сяде башка, мезевок аш...
— Теенть синь и кунцемат, аф аршт! — пяшкоць рабочайсь.
Шпионць оржаста варжаксць лангозонза ды тюхаць.
— Монь—ни нолдалемасть! — эняльгаць тядясь. — Няйсамасть, кантф мархтан, синдевсь копорезэвок сталмоти!
— Йотак, йотак! — кяжиста пяшкоць сторожсь. — Корхни тата тожи сонга...
Тядясь пачкоць эсь вастозонза, валхнезень мастору корьцяганзон, путнезень вастоваст ды, ливозю шаманц нарнем йоткть, варжаксць перьфканза.
Эстакиге нажецть теенза Гусев брательнекне, слесарьхне ды оцюсь, Василий, конац сьормадозе, оцю вайгальхть, кизефтезе:
— Цюкорхня улихть?
— Ванды кандан! — отвечась тядясь.
Ня валхне инголи смекафтольхть, содаманьди. Браттнень шамасна весялгоцть Иван из кирьде, пяшкоць:
— Эх, ты, мать честная!..
Василийсь пльзясь ваксозонза, кармась ванондома корчагатнень потмова, и сяка йоткть сонь повширезонза кяшевсь пачка листовка.
— Иван, — оцю вайгяльхть корхтась соньць, — аф мольхтяма течи куду, давай бабать кяцта обед раматама. — А соньць эрязта тонгондозень книшкатнень кяме глянищазонза. — Од торговкати эряви польза кандомс...
— Эряви! — согласиндась Иван и рахазевсь.
Тядясь, сельмалга фширге ванонц, пяшкоткшнесь:
— Лямь, пси лапшат!
И, апак няхть книгатнень лифнезень, пачка пачка мельге, тонгондзень синь братьятнень кядьге. Эрь пинкть, козк книгатне маштольхть кяцтонза, сельме инголенза пта крьвязькшнель тюжя пятнакс, кода сардонянь толня шобда куца, жандармскай офицерть шамац, ды сон эсьпотмова кяженьбачк корхтась теенза:
— На-ка...
Нажетькшнесть рабочахне, кядьгаст шаванят; коста синь модаса уленьцть, Иван Гусев оцю вайгяльхгь рахама кармаль кайсеме лям, лапшат, а Гусефне шутендазь пеетькшнесть лангозонза:
— Ловкайста работай Ниловна!
— Нужась кошарттанза шееронь кунцеме! — кяжиста пшкяць кати кодама кочегар. — Тряенц — норгозь. Сволочть! Ну ка, дай колма трешнекта лапша. Ничево, тядясь! Кодавок эрят.
— Спасиба пара валозт! — пеетькстазь мярьсь тядясь теенза.
Сон, фшири тума йоткть, моторць:
— Аф питни тейне се пара валсь...
Власова пяшкоткшнесь:
— Псинят — лямь, лапшат, шонгарям...
[ 14 ]И арьсесь сон сянь ланга, кода азонцы цьоранцты эсь тев ушетксонц, а инголенза пта станяк ащесь офицерть тюжя шамац, аф шарькоди, кяжи тюсса шаманц ланкса пелезь якафцть равжа усанза, кяжиста кепотьф вярьде тужурканц алда вандолць тангоцта сускф пеензон акша пакарьсна. Мяштцонза тядять нармонькс морась радость, сельме шурьхконза, кенярьдемати трнацть, и ловкайста тевонцт тием йоткть, корхнесь эсь потмованза:
— А вага — тага...