Тырă акакан
| Тырă акакан (1902) by |
| Хайланă дата: 1902, Пичетленĕ çул: 1902. Çăлкуç: chuvash.org |
Хирте тырă акмашкăн
Ирех тухнă ватă çын...
Пĕрчĕн-пĕрчĕн сапмашкăн
Тыррине çакнă пуркипе.
Пурки çинчи тыррине
Ана çине сапалать.
Хĕн шухăшпа шухăшлать:
«Тăпри ырă ыррине...
Акассине акатăп,
Тырри-тулли пулĕ-ши?
Турра кĕлĕ тăватăп,
Турă мана памĕ-ши?!
Ай, пулинччĕ тырри-пулли,
Ачамсен телей пулинччĕ...
Ачи-пăчи пӳрт тулли,
Вĕтĕ-шакĕ-мекĕлче;
Хăçан ӳсĕç, çын пулĕç,
Хăçан çын ăшне кĕрĕçĕ,
Çын евĕрлĕ пулĕçĕ.
Çынтан хисеп те курĕç?!
Ах, пурнăçăн çитменни!
Турра пӳрни — çитерни!
Çынсем кулли пулмăп-ши?
Ачама хăрăк тумăп-ши?
Халăх чĕлхи пит усал,
Ашшин чунне пĕлмеççĕ...
Шап-шар-çке ман сухал!..
Вĕсем манах хурлĕçĕ:
Хăй çуратма пĕлчĕ те
Ачисе çука хăварчĕ,
Пурăнма пурăнчĕ те
Ачисе пайсăр тăвайчĕ...
Ах, турăçăм, турăçăм,
Хам ку таран пурăнтăм!
Ачасем хур ан курччăр:
Çынсен кулли ан пулччăр;
Ашшин ĕмĕтне çĕклем.
Вилес вăхăт çитсессĕн,
Вĕсем туттине курсассăн,
Вилме канлĕ вилĕттĕм...»
Çапла хирте ватă çын
Тырă акать, шухăшлать.
Хăй курăнать пит ыррăн,
Ачисемшĕн вăл çунать.
 
|
This work is in the public domain in the United States because it was first published outside the United States prior to January 1, 1929. Other jurisdictions have other rules. Also note that this work may not be in the public domain in the 9th Circuit if it was published after July 1, 1909, unless the author is known to have died in 1953 or earlier (more than 70 years ago).[1]
This work might not be in the public domain outside the United States and should not be transferred to a Wikisource language subdomain (or as a file it should not be migrated to the Wikimedia Commons) that excludes pre-1929 works copyrighted at home. Данная работа, впервые изданная до 1929 года, находится в общественном достоянии по законодательству США, и может быть опубликована здесь, в мультиязычной Викитеке. Но эта работа не может быть опубликована в национальной Викитеке, которая должна подчиняться законодательству России, т. к. работы этого автора (за исключением изданных до 7 ноября 1917 года) пока не вышли в общественное достояние в России. Этот автор умер в 1938 году и был посмертно реабилитирован в 1990 году, соответственно эта работа выйдет в России в общественное достояние в 2061 году.
The author died in 1938, so this work is also in the public domain in countries and areas (outside Russia) where the copyright term is the author's life plus 80 years or less. |