Тыныд, Комсомол! (Кедров)

From Wikisource
Jump to navigation Jump to search
Тыныд, Комсомол!
Автор: Филипп Григорьевич Кедров
Кылдытон дыр: 1937. Источник: Кедров, Ф. Г. Быръем произведениос — Ижевск : Удмуртской книжной издательство, 1959. — С. 23. — 206, [1] с.: портр. — На удмурт. яз. — 5000 экз.

Тыныд, Комсомол!


Шулдыр, сэзь гужемлэсь но тужгес
Яратӥ мон тонэ, комсомол.
Тынэсьтыд умойзэ семьяез
Мон ӧй шедьты, дано комсомол.

Мон пыри но тынад семьяяд
Улонын вунонтэм шуд шедьтӥ.
Кур ӧд кар, яратӥд тон, вешад,
Мынэсьтым кужымме ӟырдатӥд.

Валатэк ужаны кутскыкум,
Жадьытэк тон ялан дышетӥд.
Уж дурын ӟеч ужъёс лэсьтыкум,
Анайлэсь но мусо яратӥд.

Дышетӥд гажаны тон ужез,
Ужанын кужымез ӟырдатъяд.
Уанын шедьтӥськиз та шудэз,
Комсомол, кузьымед со тынад.

Гажаны дышетӥд калыкез,
Уж понна сюлэмзэ сётӥськэ,
Дышетӥд тодманы тушмонэз,
Котькызьы мед ватоз ас туссэ.

Комсомол, со понна мон тыныд
Кузьмасько аслэсьтым чуръёсме.
Данъяса верало котьку но
Тон дорын адями луэмме!


1937


Public domain
This work is in the public domain in countries where the copyright term is the author's life plus 70 years or less. See Copyright.