Тыгъужъыкъо Къызбэч

I
(О) ятэшхор Елмыщэкъу,
Ащ ыкъоу Тыгъужъ,
Тыгъужъыкъо Къызбэч!
Мэзахэри тфиугъоз!
Мэзагъохэр итанджышъхь,
И бзашъхьэ щымыут.
Шъолэхъуджи мытэрэз,
ШIоигъоджэ епсыхыжь.

II
ЫшнахьыкIэ Батмызэ,
Зэчэрые япхъорэлъф.
ЛIым фалъфыгъэр Хьаджалэ,
Топкъалэ къегъэгырз.
Шышъхьамыхъуарых,
НысэкIэгъэгушIох.
Къызэтырелъхьи
Гъэрхэри къещэфыжь — ыIуагъ!
Ахъщэ фыжьыбзэджэ
Чылэхэри къегъэгуащ.
Япхъу дахэр дарие кукIэу.
Сетхэри зитамыгъэу
СабыитIор, бгъэжъым фэдэу.
Онэ гуми щэцэлашхэ.
Ящхагъо гъудыкӀапсэу зэтекӀи.
Я чатэхэр чIыгумджэ алъэшъу,
Яджэгъогъу зышъауи дэмыс.

III
ЗэӀэбэкӀы ибзэкӀахь къырехы,
Щэр къырихи зэзакъо къахэо.
Къызыбэчы чэтэрыу икIас,
Ипыихэр лъэкуажэджэ реуты,
Ипыихэр ОтэкӀыӀу рефы
Чафырым итопыхэр къегъэжьы, — ыIуагъ!
Ичэтэцыпэ лъэр пычъэу,
Пчыпыджыныжъымыджэ къеIэтых.

IV
ЛIыхъор къафызэтедзырэп,
Дзэшхом фэгъэщынэрэп.
ЛӀыгъэщынэгъуай,
ЛIымыхъэзышIуащIох!

V
Ащымэри сащымэр кӀэлъэхъу,
Зыщыщэри дуахьыджэ фэлъаIо.
ЗэраIоуи Къызбэч къэнафэ.
Къызбэч къынэси,
Маисэри фигъащи,
Шэхьитэуи зыришIылI.

VI
Аджалэр мэфэпIуалъ!
Лъэр пычъэу ипчыкIэ,
Сэкъатэу ытэмэпкъ,
Улалэу шыджалэмджэ хегъафэ.

VII
ДзэмакӀэрылъэгъух,
ИкIыгъопэпчъых.
Гум ихьахи бэджэгъыр.
Я кӀэлэжъыехэр
ШышъутырыкIэсых.
Сэлаты лъэсхэр
ЧэмыкъэфыкӀэх.
Шапсыгъэмэ яжъугъэу,
Заор кондэу рагъажьэ,
Къылыщыми нагъэсы.
Къушъхьэ машIох,
МэшIо хэкужъых.

VIII
Адыгэмэ пщэу исымэ
Къызбэч тэжъугъэлъэгъу,
Илъэгъуи тыкӀэхъопс!
Тинамыси къеубжъыкӀу.
ТыфемыкӀоу тъегъэщынэ.
Пщышхо икI и дауш нагъэсы,
Мысырыпщым и сэлам къыӀокӀэ.
Чылэджэ Къызыбэч
Хьэхьаити Хьаткъожъый.
Хьаткъожъые хэт фэд?
Зыфагъадэр Къызбэч!

IX
КӀыракӀыо лъэпэнащэу
Ашъонащэр къызыщылъи
Темырыкъо къегъэубз, — ыIуагъ!
Шыбзызакъор къыӀырих,
Чылэгъуибл къегъэкощ,
Мыкощырэм пӀуалъэ ритэу.

X
Тамытэч, Айтэчыкъу,
Щэщэнайкъо КIэмгуи —
ЛIэкъуищэри зэшъэогъу.
Дзэлыгъурым дзэр къыращы,
Къэрэщаем пщыпIэ щашIы.
Добэданэр якушъэпс.
Лъэрыгъыпсэр щыкӀаут,
Раутырэм и сэбэп,
Ебэнымэ къыIуехыжьы.

XI
Быбыратэу топфыжь,
Пчъэм кӀэсэнэр кӀэсэӀу.
Зэоныджэ дэкӀошъы,
Зышъо зэмыкӀокӀыжь.
ЛIымэ адэжьыджэ аслъан!
Къурамбыер гъомылэу,
Лабэ пщыпIэ щигъэщэу,
Шэсырэми иоркъэу.
Зы къини шIомышIэу,
Нахьи илIыгъэ ригъэхъоу,
Лъэхъуджэ, цIыфы кIэмыхьэу,
Гум ихьагъи мэкIожьы, — ыIуагъ!