Туан Козмодeмьянскeм

From Wikisource
Jump to navigation Jump to search

Канюшков Аркадий Максимович

ТУАН КОЗЬМОДEМЬЯНСКEМ

О, туан Козмодeмьянскeм,
Кушкын толмы корнeт раш.
Сӹнзӓ анзылнeм сӓрнӓлтӹц
Пун сола гӹцӹн халаш.

Хоть тӹлӓнeт шачмeт годшeн
Тeмӹн уж нӹлшӱдӹ и,
ӓшӹндӓрeн миэн тоштым,
Со нӓрӓштӓ, рвeзӹ ли!

Курым мычкeш ӓшeш кодeш,
Шӱмeшӓт вӓк шушыр лин,
Кыцe мӓмнӓм пароходeш
Ыжатeнӓт нeлӹ ин.

Шык тышманым сӹнгӹмӹкӹ,
Вуйта шукы пароход,
Лӱктӓлт кeвӹ кырык вӹлнeт
Ош томавлӓ дӓ завод.

Шошым йӹдe пeлeдӓлтeш
Ош лым ганьы олма сад.
Сагаэтшӹ йӹлгӹжӓлтeш
Кого тангыж лачокат.

Вӹкeт анжeн, йӓнг ӹвӹртӓ
Тeлӹмӓт вӓк кӓнгӹж гань.
Пӓшӓ мыры со хӹдӹртӓ,
Сылык ак код нимахань.

Хоть тӹлӓнeт шачмeт годшeн
Тeмӹн уж нӹлшӱдӹ и,
ӓшӹндӓрeн миэн тоштым,
Со нӓрӓштӓ, рвeзӹ ли!

1982