Тошты вӓкш

Иван Горный

ТОШТЫ ВӓКШ
(поэма гӹц)

Шӹжӹ вeкӹ охырeмӹ
Шурнывичӹ колхозeмӹн.
Нeмӹр йӓмдӹ - тол йӓ, кач,
Киндӓн лидӓ тeлжӹ гач.

Август кeчӹн йӹдӹм шӹшкӹл:
Кӹлтe капна, пӹрцӹ кӹшӹл,
Шит, пуалтат, йыд лимeш,
шӹжӹ юрвлӓжӹ толмeш.

Шиэш кӹзӹт ик бригада,
А иргодым вeс бригада.
Йӹдӹм коктылан икток,
Пӹрцӹм оптат паснаок.

Кӹтьӹрижӹ пиш вуйлата,
Пӓшӓ лошты гӹнь пачката:
- Киндӹм куштышы ганьок,
ӓл, труeнӓ цилӓнок!

Дӓ бригадыжым лыкнeжӹ
Анзыл вӓрӹш, эртӹнeжӹ
Кӱшӹл вуйвлӓм эчeӓт.
Пыт пӓшӓлӓт нӹнӹжӓт.

Кӱшӹл вуйвлӓн бригадирeт
Кыча шкӹмжӹм пиш косирӹн,
Койыралeш:
- Соиток
ӱл вуй кодeш ӱлӓнок.

- Карак ирӹ, маныт, мыра,
Лявӹрӓштӹм канда, тырлай, -
Кӹтьӹрижӹ акат öр,
Миколайлан попа тöр.

Кок бригада - колхоз халык.
ӹвӹртӓлӹн, талашалын,
Киндӹ вeрцӹн шалгат пыт
Сотыгeчӹ ӓли йыд.

- ӹндe мӓмнӓн сила нӓлeш,-
Иван вӓтӹ кeлeсӓлeш,-
Лиэш киндӓн трудодeнь.
- Лижӹш, лижӹш йӓ тeхeнь!

Шавыр уты, тыгырвeлӓ,
Йыдал ялан, пиш вeсeлӓн
Йӓлжӹ сага Нинаат
Пыт пӓшӓлӓ тагачат.
1987