Том йӧзлы
Ті, том йӧз, пыр гажӧдчӧй...
Суас удж, эн дышӧдчӧй.
Выль оласноглӧн подувъяс,
Ті вӧчӧй ас кост ӧтувъяс —
Тувччалӧй водзӧ!
Дерт, кадӧн лолӧ сьӧкыдъяс...
Ті чегӧй важ лёк пыкӧдъяс,
Мед сьӧлӧм ӧзйӧ-ыпъялӧ
Да синныд биӧн югъялӧ —
Вермӧмлун кӧдзӧй!
Вын тіян, майбыр, ӧні эм.
Том быдмысь раслы вӧчӧй нэм,
Мед шогсьӧм синва оз судзсьыв,
Мед зарни нартыс оз тувччыв
Найӧ мыш вылӧ.
Эн сетчӧй бокӧ! Веськыда
Писькӧдӧй ордым паськыда.
Сӧдз уджлӧн мича югӧрыс
Став тільсьысь йӧзсӧ гӧгӧрыс
Кыскӧ, кылӧ.
Ленинӧн пестӧм кось оз кус!
Мед мырсьыс усьӧ уна сюрс,
На весьтӧ сувтас уна выль.
Удж нуны, ёртъяс, ковмас збыль,
Медым удж вермис!
Тан шойччӧг абу — вермасьӧй!
Эн ойлав некод — тэрмасьӧй
Паныда уджъяс эштӧдны,
Кось вылӧ ёрттӧ ыштӧдны, —
Мед удж сям бурмис!
This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
- its creator didn't fight or work for Soviet Union victory during the Great Patriotic War — so the 70-year protection term is applied;
- and the creator died before January 1, 1954 (more than 70 years ago), and has been not posthumously rehabilitated since that date;
- and this work was first published before January 1, 1954 (more than 70 years ago).
The author died in 1947, so this work is also in the public domain in other countries and areas where the copyright term is the author's life plus 76 years or less (if applicable), or the copyright term is 94 years or less since publication (if applicable).
Public domainPublic domainfalsefalse