Томмӧма кад
Кисьмыны водзджык на миян,
Розйыны колӧ на дыр.
Тайӧ ме том йӧзлы сиа —
Сьӧлӧмсянь сиа ме пыр.
Уджаліг ӧзйӧны банъяс,
Колӧкӧ, видзӧдлӧй... А?!
Резйӧны Ӧльӧяс, Анъяс,
Колльӧны гажаа кад.
Вежӧдӧ ӧзимыс вежӧн.
«Юнг штурмӧн» паськӧма йӧз.
Котырын гажъялам вежӧн —
Уджаліг ог тӧдлӧ рӧзь.
Томмӧма мувывса олӧм,
Бритчӧма шонділӧн бан.
Лым сыліс лун шоныд тӧлӧн.
Вой кымӧр оз тыдав тан.
Серӧктіс му синлӧн баныс,
Шыбитіс чужӧмсьыс лым.
Эм на тай шонділӧн сямыс...
Кывзӧ!.. То, гӧрӧктіс гым.
Томмӧма визув шор — йӧктӧ.
Паськӧдіс гудӧк лун тӧв.
Пармалы тшӧтш сьывны тшӧктӧ,
Медым оз ов сійӧ чӧв.
Кымӧрӧн скӧралӧ енэж —
Кусӧдны шонділысь би!
Кымӧрлы, лун тӧв, тэ эн кеж,
Томмӧд тэ шонділысь би!
Том кадӧн сявкъялӧ гажа
Олӧмлӧн тулысын лун.
Ог кольччӧй бӧрланьӧ — важас:
— Уджалысь, водзӧ вай мун!
Горӧдіс гораа гудӧк.
Эштӧма лунтыръя удж.
Талун со том йӧзыс шуда...
Бертовтіс важ пиньлысь вуж...
Том котыр вӧчӧм колхозын...
Тайӧ лун некор оз вун:
Том йӧзыс ӧзйӧ кыдз розйын,
Медся нин тайӧ вой-лун.
Колхозса тракторӧн гӧрис
Ассьыныс ӧтувъя му:
Гӧль йӧзлысь эжмӧм му йӧрысь
Гӧригӧн пушвидзис бус.
Сэні жӧ агсаліс, кӧдзис
Колхозлӧн кӧрт вӧв зэв ён.
Эжмӧм му сувтлытӧг... водзӧ
Перыда гӧрӧ — син дон.
This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
- its creator fought or worked for Soviet Union victory during the Great Patriotic War — so the 74-year protection term is applied;
- and the creator died before January 1, 1950 (more than 74 years ago), and has been not posthumously rehabilitated since that date;
- and this work was first published before January 1, 1950 (more than 74 years ago).
The author died in 1942, so this work is also in the public domain in other countries and areas where the copyright term is the author's life plus 81 years or less (if applicable), or the copyright term is 94 years or less since publication (if applicable).
Public domainPublic domainfalsefalse