Теләк. Фирүзә Абдуллина.

Теләк. (шиғыр) автор Фирүзә Абдуллина

Ижад итеү ваҡыты: 01.12.2014. Нәшер ителгән: 01.12.2014. Сығанаҡ: “Бәйләнештә” сайтындағы “Ғәжәп донъя” төркөмөнән.

Теләк

Аҫҡа түгел, өҫкә ҡара,
Ышаныслы иптәш һайла,
Төшөрөңдө алдан уйла
Тау башына үрләгәндә.

Ололарҙы алдан үткәр,
Дуҫ-ишеңә кәйеф күтәр,
Сама белеп һауыт күтәр
Һый түренә үрләгәндә.

Намыҫың саф, йөҙөң яҡты,
Фекерең тос, һүҙең хаҡлы,
Матур эшең булһын өлгө
Ғүмер түрен биләгәндә.

01.12.2014

---