Сщ҃е́нное є҆ѵⷢ҇лїе/Сказа́нїе, прїе́млющее всегѡ̀ лѣ́та число̀ є҆ѵⷢ҇льское

А҆́ще бꙋ́кви непра́вилнѣ зрѧ́тсѧ, грѧдѝ сѣ́мо, да грамматоси́ры є҆́млеши.

←Вѣ́домо бꙋ́ди, ꙗ҆́ко четы́ре сꙋ́ть є҆ѵⷢ҇лїа

Сщ҃е́нное є҆ѵⷢ҇лїе Сказа́нїе, прїе́млющее всегѡ̀ лѣ́та число̀ є҆ѵⷢ҇льское, и҆ є҆ѵⷢ҇лі́стѡмъ прїѧ́тїе, ѿкꙋ́дꙋ начина́ютъ, и҆ до гдѣ̀ ста́ютъ

Бꙋ́ди же вѣ́домо, ꙗ҆́кѡ начина́етсѧ на ст҃ꙋ́ю па́схꙋ і҆ѡа́ннъ, зача́ло а҃→

This page contains Church Slavonic text. Without proper font support, you may see question marks, boxes, or other symbols instead of letters and diacritics. Click here to download required fonts.

Сказа́нїе, прїе́млющее всегѡ̀ лѣ́та

число̀ є҆ѵⷢ҇льское, и҆ є҆ѵⷢ҇лі́стѡмъ прїѧ́тїе,
ѿкꙋ́дꙋ начина́ютъ, и҆ до гдѣ̀ ста́ютъ.

Вѣ́домо да є҆́сть, ꙗ҆́кѡ чте́тсѧ рѧ́дъ ѿ і҆ѡа́нна ст҃а́гѡ є҆ѵⷢ҇лїа въ недѣ́лѧхъ седми́хъ, счита́емыхъ ѿ вели́кїѧ недѣ́ли па́схи, ра́звѣ нѣ́коихъ тре́хъ дне́й. Ѿ матѳе́а же ст҃о́е є҆ѵⷢ҇лїе чте́тсѧ ѿ понедѣ́льника по н҃-цѣ, ꙗ҆́же є҆́сть ст҃а́гѡ дх҃а, до пѧтка̀ по воздви́женїи крⷭ҇та̀, ѡ҆бхо́дитсѧ же въ седми́цѣхъ седмина́десѧтихъ: и҆́хже ᲂу҆́бѡ є҆динꙋна́десѧть недѣ́лю, и҆́мать ѿ матѳе́а на всѧ́къ де́нь что́мое є҆ѵⷢ҇лїе. Ѿ седми́цъ же двоюна́десѧть, є҆́же ѿ ма́рка є҆ѵⷢ҇лїе въ пѧти́хъ дне́хъ показꙋ́ѧ, ꙗ҆́кѡ въ сꙋббѡ́ты и҆ недѣ̑ли, па́ки матѳе́й чте́тсѧ, до сконча́нїѧ седмыѧна́десѧть седми́цы. И҆ ᲂу҆́бѡ седмьна́десѧть седми́цъ, сꙋббѡ́тъ и҆ недѣ́ль то́кмѡ и҆́мꙋтъ, за є҆́же мали́жды чита́тисѧ седмьна́десѧтимъ седми́цамъ матѳе́евымъ: но а҆́ще бꙋ́детъ внꙋ́трь па́схи. А҆́ще бо внѣ̀ па́сха бꙋ́детъ, ника́коже, си́рѣчь, хо́щетъ чита́тисѧ и҆ сїѧ̀ седмаѧна́десѧть седми́ца: возвраща́йсѧ вспѧ́ть, и҆ ѿню́дꙋже хо́щеши, чтѝ пѧ́ть дне́й. А҆́ще бо за є҆́же не сни́зитисѧ па́сцѣ, не доста́нетъ и҆ въ лꙋцѣ̀ сꙋббѡ́тъ и҆ недѣ́ль: и҆ чте́тсѧ та́мѡ сїѧ̀ недѣ́лѧ матѳе́ева, ꙗ҆́же є҆́сть ханааны́нѧ, пре́жде закхе́евы. Ѿ лꙋки́ же ст҃о́е є҆ѵⷢ҇лїе чте́тсѧ, ѿ нача́ла въ понедѣ́льникъ, по воздви́женїи крⷭ҇та̀: и҆спо́лнь во всѣ́хъ седми́цахъ двꙋна́десѧтихъ: ѿ нача́ла же г҃і седми́цы, чте́тсѧ ѿ ма́рка въ пѧ́ть дні́й: въ сꙋббѡ́тꙋ же и҆ недѣ́лю па́ки лꙋка̀. Ѿ ма́рка же ст҃о́е є҆ѵⷢ҇лїе, ᲂу҆̀бо ᲂу҆́бѡ чте́тсѧ посредѣ̀ матѳе́а и҆ лꙋкѝ, про́чее же во ст҃ꙋ́ю четыредесѧ́тницꙋ, въ сꙋббѡ́ты и҆ недѣ́ли.

This is a translation and has a separate copyright status from the original text. The license for the translation applies to this edition only.
Original:
Translation: