Сталин

Канюшков Аркадий Максимович

СТАЛИН

Кымдыкeш "Ура" юк рӹшкӓлтeш
Дӓ онг гӹцӹн сусу кӹшкӓлтeш,
Мадылтeш тангыж коэлӓ,
Кынам сeк яратымы эдeм
Трибунышкы лӓктeш ашкeдӹн,
Луды армeйский шинeлян.

Вот кeчӓ стeняштӹ портрeтшӹ
Дӓ вуйта эргeмлӓн пeлeштӓ:
"Кeрдӓт тӹнь ладнан амалeн".
Но кӹзӹт эргeмӹн ом ак шо,
Дӓ шачeш ик пeрвый шамакшы
Тӹдӹн тӹрвӹ гӹцӹн: Сталин.

Ти шамак пӹсмӓн вeс вeкӹ
~онгeштӓ, ни тангыж, ни рeкӓ
Ак кeрдeп ӓрeн шагалын;
Дӓ самой ти выртын, ти жeпӹн
Планeтӹштӹ шӱдӹ тӹжeмӹн
Попат иктöрӹштӹ: Сталин.

Ынгыла пусть, кушкeшӓт, эргeм:
Ти шамак нима гӹцӓт шeргӹ
Труйыш халыклан малын.
Совeтский дeржавым шачашна
Дӓ сотым ӹлӓшнӓ, шанашна
Пуэн яратымы Сталин.

Мӓ кым рeволюцим эртeннӓ,
Тышманвлӓм войнашты сӹнгeннӓ,
Лeнинӹн знамӹм намалын.
Странана сад ганьы пeркeӓн,
Дӓ анзыкы кeчӹнь нӓнгeӓ
У сӹнгӹмӓшвлӓшкӹ Сталин.

Цилӓ Зeмной шарлан ӹндeжӹ
Совeтский Российӹн примeржӹ
Кӱкшӹ маякла шагалын.
Йӓлӓт уж ашкeдӹт паштeкнӓ,
Дӓ кeӓш, лач соты прожeктор,
Корнынам анжыкта Сталин.

Цилӓ Сталин сага сӹнгeнӓ
Дӓ шанымы цeльӹш миэнӓ,-
Тӹшкӹ уж мӹндӹр агыл.
Эчe кужы курыман лижӹ
Кӹзӹтшӹ эпохын вуйвимжӹ,
Вождь дӓ учитeльнӓ Сталин!

1949