Спасӧй, Пречистаӧй!...

by Лыткин Георгий Степанович

Спасӧй, Пречистаӧй!...  (1889)  by Лыткин Георгий Степанович

Гижан кад: 1889, Йӧзӧдан во: 1889. Ӧшмӧс: Зырянский край при епископах пермских и зырянский язык : пособие при изучении зырянами русского языка / сост. Г. С. Лыткин. - Санктпетербург, 1889.

Спасӧй, Пречистаӧй!
Бурси тэ меным, бурси
Ыджыд бурсиӧмтӧ
Юр вывсянь кокулӧдзым!

Енсянь меным бурси
Ен кыа кодзулыс мында;
Асыввывсянь меным бурси
Оз дзоридзыс мында;
Лунвывсянь меным бурси
Керӧс кӧдзаыс мында;
Рытыввывсянь меным бурси
Лежнӧг дзоридзыс мында;
Войвывсянь меным бурси
Сэтӧр дзоридзыс мында;
Мусянь меным бурси
Веж туруныс мында;
Васянь меным бурси
Гыбалан чериыс мында;
Вӧрсянь (рассянь) меным бурси
Лэбалан пӧткаыс мында;
Ягсянь меным бурси
Быдман вотӧсыс мында;
Нюрсянь меным бурси
Керч пожӧмыс мында!